മസ്കത്ത്: ഒമാനിൽ വിവിധ രാജ്യങ്ങളിൽ നിന്നുള്ള 21 പ്രവാസി വനിതകൾ ഉൾപ്പെടെ 30 പേരെ വേശ്യാവൃത്തിയിൽ ഏർപ്പെട്ടതിന് അറസ്റ്റ് ചെയ്തതായി റോയൽ ഒമാൻ പൊലിസ് (ആർഒപി) അറിയിച്ചു. മസ്കത്ത് ഗവർണറേറ്റിലെ മുത്ത്റ വിലായത്തിലുള്ള ഒരു ഹോട്ടലിൽ വച്ചായിരുന്നു അറസ്റ്റ്.

മസ്കത്ത് പൊലിസ് കമാൻഡ് കസ്റ്റഡിയിലെടുത്ത ഇവർക്കെതിരെ നിയമനടപടികൾ പുരോഗമിക്കുകയാണ് ആർഒപി പ്രസ്താവനയിൽ വ്യക്തമാക്കി. 

കഴിഞ്ഞ മാസം, സമാനമായ കുറ്റത്തിന് ഒമാനിലുടനീളം 60-ലധികം പ്രവാസി വനിതകളെ അറസ്റ്റ് ചെയ്തിരുന്നു. അവരിൽ 23 എജിപ്ഷ്യന്മാർ, 13 ഇറാനിയന്മാർ, 14 പാകിസ്താനികൾ, നാല് തായ്‌ലൻഡുകാർ, രണ്ട് ഉസ്ബെക്കുകാർ, രണ്ട് മൊറോക്കൻമാർ, മൂന്ന് സിറിയക്കാർ, ഒരു ബംഗ്ലാദേശി എന്നിവർ ഉൾപ്പെടുന്നു.

ALSO READ: ബോയിംഗ് വിമാനങ്ങളിൽ ഇന്ധന സ്വിച്ച് പരിശോധന പൂർത്തിയാക്കി ഒമാൻ എയർ

വേശ്യാവൃത്തി തടയുന്നതിനുള്ള ശ്രമങ്ങളുടെ ഭാഗമായി സമീപ മാസങ്ങളിൽ അധികൃതർ നടപടികൾ ശക്തമാക്കിയിട്ടുണ്ട്. വേശ്യാവൃത്തി പലപ്പോഴും പ്രവാസികൾ നടത്തുന്ന സംഘങ്ങളാണ് സംഘടിപ്പിക്കുന്നതെന്ന് പൊലിസ് പറയുന്നു.

ഒമാനി പീനൽ കോഡിലെ ആർട്ടിക്കിൾ 25 പ്രകാരം, പരസ്യമായി അസഭ്യമായ പ്രവൃത്തികൾ ചെയ്യുകയോ അസഭ്യമായ പ്രസ്താവനകൾ നടത്തുകയോ ചെയ്താൽ 10 ദിവസം മുതൽ മൂന്ന് മാസം വരെ തടവും/അല്ലെങ്കിൽ 100 മുതൽ 300 ഒമാനി റിയാൽ വരെ പിഴയും ലഭിക്കും.

The Royal Oman Police (ROP) arrested 30 individuals, including 21 expatriate women from various countries, for engaging in prostitution at a hotel in Muttrah, Muscat Governorate. The operation was conducted by the Muscat Police Command, and legal proceedings are currently underway.