മനാമ: ഓപറേഷനൽ കാരണങ്ങളാൽ നാളെ കൊച്ചിയിലേക്കും തിരികെ ബഹ്റൈനിലേക്കുമുള്ള എയർ ഇന്ത്യ എക്സ്പ്രസ് സർവിസ് റദ്ദാക്കിയതായി അധികൃതർ അറിയിച്ചു. നിലവിൽ ആഴ്ചയിൽ നാല് ദിവസം മാത്രമാണ് കൊച്ചിയിലേക്ക് എയർ ഇന്ത്യ എക്സ്പ്രസ് സർവിസുള്ളത്. നാളത്തെ സർവിസ് റദ്ദാക്കിയതോടെ, അടുത്ത സർവിസ് ഇനി വ്യാഴാഴ്ചയാണ് ഉള്ളത്. ഇത് അവധിക്കോ അടിയന്തര ആവശ്യങ്ങൾക്കോ വേണ്ടി കേരളത്തിലേക്ക് യാത്ര ചെയ്യുന്നവർക്ക് വലിയ തിരിച്ചടിയാണ്.

ALSO READ: എയർ അറേബ്യയുടെ നേതൃത്വത്തിൽ സഊദിയുടെ പുതിയ ലോ-കോസ്റ്റ് വിമാന കമ്പനി: പ്രവർത്തനം ദമ്മാമിൽ നിന്ന്

നാളെ യാത്ര ചെയ്യാൻ ഉദ്ദേശിച്ചവർക്ക് ഇനി കേരളത്തിലെ മറ്റ് വിമാനത്താവളങ്ങളെ ആശ്രയിക്കേണ്ടതോ കണക്ഷൻ ഫ്ലൈറ്റുകൾ വഴി കൊച്ചിയിലേക്ക് ടിക്കറ്റ് ബുക്ക് ചെയ്യേണ്ടതോ ആയ അവസ്ഥയാണ്. നിലവിൽ, വ്യാഴാഴ്ച ഒഴികെയുള്ള ദിവസങ്ങളിൽ കോഴിക്കോട്ടേക്ക് എക്സ്പ്രസ് സർവിസ് ലഭ്യമാണ്.

ALSO READ: വേശ്യാവൃത്തി: 21 പ്രവാസി വനിതകൾ ഉൾപ്പെടെ 30 പേർ ഒമാനിൽ അറസ്റ്റിൽ

തിരുവനന്തപുരത്തേക്ക് വ്യാഴം, ശനി ദിവസങ്ങളിലും കണ്ണൂരിലേക്ക് വ്യാഴാഴ്ച മാത്രവുമാണ് സർവിസുള്ളത്. റദ്ദാക്കപ്പെട്ട ടിക്കറ്റ് ഉപയോഗിച്ച് അടുത്ത ഏഴ് ദിവസത്തിനുള്ളിൽ കൊച്ചിയിലേക്ക് യാത്ര ചെയ്യാമെന്നോ അല്ലെങ്കിൽ ടിക്കറ്റിന്റെ മുഴുവൻ തുക തിരികെ ലഭിക്കുമെന്നോ എയർലൈൻ അധികൃതർ വ്യക്തമാക്കി. വിശദ വിവരങ്ങൾക്ക് www.airindiaexpress.com എന്ന വെബ്സൈറ്റ് സന്ദർശിക്കുക.

Air India Express has canceled its flight services from Manama to Kochi and back to Bahrain for tomorrow due to operational reasons. With services currently operating only four days a week, the next available flight to Kochi is on Thursday, causing significant inconvenience for travelers planning trips for holidays or emergencies.