ന്യൂയോർക്ക്: യുനെസ്കോയിൽ നിന്ന് വീണ്ടും പിന്മാറുന്നതായി യുഎസ് സ്റ്റേറ്റ് ഡിപ്പാർട്ട്മെന്റ് വക്താവ് ടാമി ബ്രൂസ്. യുഎസ് പ്രസിഡന്റ് ഡോണൾഡ് ട്രംപിന്റെ ഭരണകൂടത്തിന് കീഴിൽ പാരീസ് ആസ്ഥാനമായി പ്രവർത്തിക്കുന്ന യുനെസ്കോയിൽ നിന്ന് അമേരിക്ക പിന്മാറുന്നത് ഇത് രണ്ടാം തവണയാണ്. 2023-ൽ മുൻ പ്രസിഡന്റ് ജോ ബൈഡന്റെ ഭരണകാലത്ത് യുഎസ് യുനെസ്കോയിൽ വീണ്ടും ചേർന്നിരുന്നു. അടുത്ത വർഷം അവസാനത്തോടെ പിന്മാറ്റം പ്രാബല്യത്തിൽ വരുമെന്ന് ബ്രൂസ് അറിയിച്ചു.

ALSO READ: ഭക്ഷണമില്ല, സഹായങ്ങളില്ല, ഗസ്സയില്‍ ഒരൊറ്റ ദിവസം വിശന്നു മരിച്ചത് കുഞ്ഞുങ്ങള്‍ ഉള്‍പെടെ 15 മനുഷ്യര്‍, പട്ടിണി മരണം 101 ആയി

"യുനെസ്കോയുടെ ആഗോളവാദ, പ്രത്യയശാസ്ത്ര അജണ്ട അമേരിക്കയുടെ വിദേശനയത്തിന് വിരുദ്ധമാണ്. യുനെസ്കോയിലെ തുടർച്ചയായ ഇടപെടൽ യുഎസിന്റെ ദേശീയ താൽപ്പര്യങ്ങൾക്ക് അനുയോജ്യമല്ല," ബ്രൂസ് വ്യക്തമാക്കി.

യുനെസ്കോയുടെ ഇസ്റാഈൽ വിരുദ്ധ നയങ്ങളും ഫലസ്തീന്റെ അംഗത്വവും ട്രംപ് ഭരണകൂടം പ്രധാന വിമർശന വിഷയങ്ങളായി ചൂണ്ടിക്കാട്ടുന്നു. "ഫലസ്തീനെ അംഗരാജ്യമായി അംഗീകരിച്ച യുനെസ്കോയുടെ തീരുമാനം അമേരിക്കൻ നയത്തിന് വിരുദ്ധമാണ്. ഇത് സംഘടനയ്ക്കുള്ളിൽ ഇസ്റാഈൽ വിരുദ്ധതയ്ക്ക് കാരണമായി," ബ്രൂസ് ആരോപിച്ചു.

യുനെസ്കോയിൽ നിന്നുള്ള അമേരിക്കൻ പിന്മാറ്റത്തിൽ യുഎൻ സെക്രട്ടറി ജനറൽ അന്റോണിയോ ഗുട്ടെറസ് ദുഃഖം പ്രകടിപ്പിച്ചു. "അമേരിക്കയിലെ ലോക പൈതൃക പട്ടികയിൽ സ്ഥാനം തേടുന്ന കമ്മ്യൂണിറ്റികൾ, ക്രിയേറ്റീവ് സിറ്റി പദവി, യൂണിവേഴ്സിറ്റി ചെയറുകൾ എന്നിവയെ ഈ തീരുമാനം ബാധിച്ചേക്കാം," യുഎൻ സാംസ്കാരിക വിഭാഗം ഡയറക്ടർ ജനറൽ ഓഡ്രി അസോലെ പറഞ്ഞു.

ALSO READ: അയർലൻഡിൽ ഇന്ത്യൻ പൗരന് നേരെ ക്രൂര ആക്രമം; വിവസ്ത്രനാക്കി, വലിച്ചിഴച്ചു, അന്വേഷണം ആവശ്യപ്പെട്ട് ഇന്ത്യ

2023-ൽ യുനെസ്കോയ്ക്കുള്ള യുഎസ് സംഭാവന 28 മില്യൺ ഡോളറായിരുന്നു. ഇത് സംഘടനയുടെ ബജറ്റിന്റെ 22 ശതമാനമാനത്തോളം വരും. നിരവധി അംഗരാജ്യങ്ങളുടെയും സ്വകാര്യ സംഭാവകരുടെയും പിന്തുണയോടെ യുനെസ്കോ ഇന്ന് സാമ്പത്തികമായി സുസ്ഥിരമാണെന്ന് അസോലെ വ്യക്തമാക്കി. യുഎസ് സംഭാവന ഇപ്പോൾ ബജറ്റിന്റെ 8 ശതമാനമായി കുറഞ്ഞതായും അദ്ദേഹം കൂട്ടിച്ചേർത്തു.

Citing continued anti-Israel bias, the United States is once again preparing to withdraw from UNESCO. The move highlights deepening divisions over international policy on Israel.