ന്യൂഡൽഹി: അയർലൻഡിലെ ഡബ്ലിനിലെ ടാലയിൽ ഇന്ത്യൻ പൗരന് ഒരു കൂട്ടം അക്രമികൾ ക്രൂരമായി ആക്രമിക്കുകയും ഭാഗികമായി വിവസ്ത്രനാക്കുകയും ചെയ്തു. മൂന്നാഴ്ച മുമ്പ് അയർലൻഡിൽ എത്തിയ 40 വയസ്സ് പ്രായമുള്ള വ്യക്തിക്കാണ് ക്രൂര മർദ്ദനം ഏൽക്കേണ്ടി വന്നത്. മുഖത്തും കൈകളിലും കാലുകളിലും ആക്രമണത്തിൽ പരുക്കേറ്റിട്ടുണ്ട്. ശനിയാഴ്ച വൈകുന്നേരമാണ് ആക്രമണമുണ്ടായത്. സംഭവത്തിൽ അയർലൻഡിലെ ഇന്ത്യൻ അംബാസഡർ അഖിലേഷ് മിശ്ര അപലപിച്ചു.

നടന്നത് വംശീയ ആക്രമണമാണെന്നാണ് വിവരം. പാർക്ക്ഹിൽ റോഡിൽ വൈകുന്നേരം 6 മണിയോടെയാണ് സംഭാവന നടന്നത്. ആക്രമണത്തെക്കുറിച്ച് തങ്ങൾക്ക് അറിയിപ്പ് ലഭിച്ചതായും അന്വേഷണം ആരംഭിച്ചതായും ഐറിഷ് നാഷണൽ പൊലിസ് സ്ഥിരീകരിച്ചു. എന്നാൽ  ഇതുവരെ ആരെയും അറസ്റ്റ് ചെയ്തിട്ടില്ല. 

ഐറിഷ് ടൈംസ് സംഭവത്തിന് പിന്നിലെ കാരണമായി പറയുന്നത്, ഇന്ത്യൻ വംശജൻ കുട്ടികളോട്  അനുചിതമായി പെരുമാറി എന്ന് വ്യാജ കിംവദന്തികൾ ഓൺലൈനിൽ പ്രചരിച്ചു എന്നതാണ്. അറിയപ്പെടുന്ന തീവ്ര വലതുപക്ഷ, കുടിയേറ്റ വിരുദ്ധ അക്കൗണ്ടുകൾ ഉൾപ്പെടെയാണ് ഈ വ്യാജ വാർത്ത പങ്കുവെച്ചത്. ഇതിന് പിന്നാലെയാണ് ആക്രമണം ഉണ്ടായത്.

ALSO READ: ഡൽഹിയിൽ എയർ ഇന്ത്യ വിമാനത്തിന് തീപിടിച്ചു; അപകടം വിമാനം ലാൻഡ് ചെയ്തതിന് പിന്നാലെ

ആരോപണത്തിന്റെ പേരിലായാലും പോലും എങ്ങിനെയാണ് ഇത്രയും ക്രൂരമായ ആക്രമണം നടത്തുന്നതെന്ന് ഇന്ത്യൻ അംബാസഡർ അഖിലേഷ് മിശ്ര ചോദിച്ചു. സംഭവത്തിൽ അദ്ദേഹം അന്വേഷണം ആവശ്യപ്പെട്ടു. പിന്തുണയ്ക്ക് ഐറിഷ് പൊതുജനങ്ങൾക്കും ഗാർഡയ്ക്കും നന്ദി പറഞ്ഞ അദ്ദേഹം ഇരയ്ക്ക് വേഗത്തിലുള്ള നീതി ഉറപ്പാക്കാൻ ആവശ്യപ്പെട്ടു.

അതേസമയം, ഏഷ്യൻ രാജ്യങ്ങളിൽ നിന്നുള്ളവർക്കുനരെ അയർലൻഡിൽ കഴിഞ്ഞ മൂന്നുവർഷത്തിനിടെ അക്രമ സംഭവങ്ങൾ തുടർകഥയാണ്. വംശീയ അതിക്രമം നടത്തുന്ന സംഘങ്ങളും കുടിയേറ്റ വിരുദ്ധ സംഘങ്ങളുമാണ് ഇതിന് പിന്നിലെന്നാണ് വിവരം.അയർലൻഡിൽ ഒരു ലക്ഷത്തിലധികം ഇന്ത്യക്കാരുണ്ടെന്നാണ് കണക്ക്. 

In a shocking incident in Tallaght, Dublin, a 40-year-old Indian national was brutally assaulted and partially stripped by a group of attackers. The victim, who had arrived in Ireland just three weeks ago, sustained injuries to his face, arms, and legs during the violent attack, which occurred on Saturday evening.