കാസർഗോഡ്: ദേശീയപാതയിൽ വീണ്ടും മണ്ണിടിച്ചിൽ. കാസർഗോഡ് ചെറുവത്തൂരിലെ വീരമലക്കുന്നിലാണ് വീണ്ടും മണ്ണിടിച്ചിലുണ്ടായത്. പാറയും മണ്ണും റോഡിൽ പതിച്ചു. റോഡിലൂടെ പോവുകയായിരുന്ന കാറിന് മുകളിലേക്ക് മണ്ണ് വീണു. യാത്രക്കാരിയായ അധ്യാപിക അത്ഭുതകരമായി രക്ഷപ്പെട്ടു.

പടന്നക്കാട് എസ്.എൻ കോളേജിലെ അധ്യാപികയായ സിന്ധുവാണ് കാറിൽ ഉണ്ടായിരുന്നത്. ചെറുവത്തൂർ ഭാഗത്തേക്ക് ദേശീയപാതയിലൂടെ പോകുകയായിന്നു  സിന്ധു. പെട്ടന്ന് മണ്ണിടിഞ്ഞ് വീഴുകയായിരുന്നു. കാറിന് മുകളിലും ചുറ്റുമുൾപ്പെടെ മണ്ണ് വീണ് നിറഞ്ഞു. മണ്ണ് തിങ്ങി നിറഞ്ഞതിനാൽ ഡോർ തുറന്നു പുറത്തുകടക്കാനായില്ല. നാട്ടുകാർ എത്തിയാണ് സിന്ധുവിനെ രക്ഷപ്പെടുത്തിയത്.

ALSO READ: പറന്നുയര്‍ന്ന് പൊന്നിന്‍വില;  പവന് 75,000 കടന്നു

മണ്ണിടിച്ചിലിനെ തുടർന്ന് പ്രദേശത്ത് ഗതാഗതം തടസപ്പെട്ടു. മണ്ണുമാന്തി യന്ത്രങ്ങൾ എത്തിച്ച് മണ്ണ് നീക്കൽ ആരംഭിച്ചിട്ടുണ്ട്.