ബാങ്കോക്ക്: അതിർത്തി തർക്കത്തെ തുടർന്ന് കമ്പോഡിയയും തായ്‌ലാൻഡും തമ്മിലുള്ള സംഘർഷം  ശക്തമാകുന്നു.  ആക്രമണങ്ങളിൽ ഒരു കുട്ടിയും, സൈനികരും ഉൾപ്പെടെ 12 പേർ മരിച്ചു എന്നാണ് റിപ്പോർട്ട്. കമ്പോഡിയയുടെ റോക്കറ്റ് ആക്രമണത്തിൽ 9 സാധാരണക്കാർ കൊല്ലപ്പെട്ടുവെന്നും 14 പേർക്ക് പരുക്ക് പറ്റിയെന്നും തായ്‌ലാൻഡ് സൈന്യം അറിയിച്ചു.

സംഘർഷങ്ങളെ തുടർന്ന് കംമ്പോഡിയയുമായുള്ള അതിർത്തി തായ്‌ലാൻഡ് അടച്ചിട്ടുണ്ട്. സൂരിൻ പ്രവിശ്യയിലെ താ മുൻ തോം ടെംപിളിന് സമീപമാണ് ആദ്യത്തെ ആക്രമണം ഉണ്ടായത്.  കംമ്പോഡിയ റോക്കറ്റ്, പീരങ്കി തുടങ്ങിയ ആക്രമണങ്ങൾ നടത്തുകയായിരുന്നു.  തുടർന്ന് കംമ്പോഡിയൻ സൈനിക കേന്ദ്രങ്ങളിൽ അടക്കം തായ്‌ലാൻഡ് സൈന്യം വ്യമാക്രമണം നടത്തി.  എഫ് 16 ജെറ്റുകളും തായ്ലാൻഡ് സൈന്യം പ്രത്യാക്രമണത്തിനായി പ്രയോഗിച്ചു.

തായ്‌ലാൻഡും  കംബോഡിയയും തമ്മിൽ ദീർഘകാലമായി തുടരുന്ന അതിർത്തി തർക്കമാണ് സംഘർഷത്തിലേക്ക് നയിച്ചത്. കഴിഞ്ഞ ദിവസം കുഴി ബോംബ് സ്ഫോടനത്തിൽ രണ്ട് തായ്‌ലാൻഡ് സൈനികർക്ക് പരുക്ക് പറ്റിയിരുന്നു. കംമ്പോഡിയയുടെ സ്ഥലങ്ങൾ പിടിച്ചെടുക്കാൻ ശ്രമിച്ചതാണ് സംഘർഷത്തിലേക്ക് പോകാൻ കാരണമായതെന്നാണ് കംമ്പോഡിയൻ സൈന്യം ഉന്നയിക്കുന്നത്. ഇരു രാജ്യങ്ങളും തമ്മിലുള്ള ബന്ധം മോശമായതിന് പിന്നാലെ പരസ്പര നയതന്ത്ര പ്രതിനിധികളെ പുറത്താക്കിയിരുന്നു. 

ഇരു രാജ്യങ്ങളുടെയും ലാവോസിന്റെയും അതിർത്തികൾ കൂടിച്ചേരുന്നതും നിരവധി പുരാതനക്ഷേത്രങ്ങൾ സ്ഥിതി ചെയ്യുന്നതുമായ എമറാൾഡ് ട്രയാങ്കിൾ എന്നറിയപ്പെടുന്ന സ്ഥലത്തെ പറ്റി കടുത്ത തർകക്കം നിലനിന്നിരുന്നു.  പതിറ്റാണ്ടുകളായി ഈ തർക്കം തുടർന്ന് പോരുകയാണ്. 
15 വർഷം മുമ്പ് ഈ വിഷയത്തിൽ ഇരു രാജ്യങ്ങളുടെയും സൈനികമായി ഏറ്റുമുട്ടിയിരുന്നു. മെയ് മാസത്തിൽ ഒരു കംബോഡിയൻ സൈനികൻ വെടിവെപ്പിൽ കൊല്ലപ്പെടുകയും ചെയ്തു.

Cambodian military base attacked by Thai troops 12 killed in clashes