കുവൈത്ത് സിറ്റി: അംഗീകാരമില്ലാത്തതും നിയമവിരുദ്ധമായി പ്രവര്‍ത്തിക്കുന്നതുമായ ബാച്ചിലേഴ്‌സ് ഹോസ്റ്റലുകളെ ലക്ഷ്യംവച്ച് കുവൈത്തില്‍ വ്യാപക റെയ്ഡ്. അനധികൃത ബാച്ചിലര്‍ ഹൗസിംഗുമായി ബന്ധപ്പെട്ട നിയമലംഘനങ്ങള്‍ ക്ടെത്തിയതിനെത്തുടര്‍ന്ന് ഫര്‍വാനിയ ഗവര്‍ണറേറ്റിലെ 11 പ്രോപ്പര്‍ട്ടികളില്‍ നിന്ന് വൈദ്യുതി വിച്ഛേദിച്ചതായി കുവൈത്ത് മുനിസിപ്പാലിറ്റി അറിയിച്ചു.

ഖൈതാന്‍, ആന്‍ഡലസ്, ഒമാരിയ, ഫിര്‍ദൗസ് എന്നിവിടങ്ങളില്‍ എഞ്ചിനീയറിംഗ് ഓഡിറ്റ് ആന്‍ഡ് ഫോളോഅപ്പ് വകുപ്പ് ഫീല്‍ഡ് പരിശോധനകള്‍ നടത്തുകയും ലംഘനങ്ങള്‍ കണ്ടെത്തുകയും ചെയ്തതായും ഇതുപ്രകാരം 13 മുന്നറിയിപ്പ് നോട്ടീസുകള്‍ നല്‍കിയ ശേഷം, വൈദ്യുതി വിച്ഛേദിക്കുന്നത് ഉള്‍പ്പെടെ ആവശ്യമായ നിയമനടപടികള്‍ സ്വീകരിച്ചതായും അധികൃതര്‍ അറിയിച്ചു.

ഭവന നിയന്ത്രണങ്ങള്‍ പാലിക്കുന്നുണ്ടെന്ന് ഉറപ്പാക്കുന്നതിനും പൊതുജന സുരക്ഷ സംരക്ഷിക്കുന്നതിനുമായി പരിശോധനാ കാമ്പെയ്‌നുകള്‍ തുടരുമെന്നും മുനിസിപ്പാലിറ്റി പ്രസ്താവനയില്‍ മുന്നറിയിപ്പ് നല്‍കി. സംശയാസ്പദമായ ലംഘനങ്ങള്‍ മുനിസിപ്പാലിറ്റി നിരീക്ഷിക്കുന്നത് തുടരുകയും അവ പരിഹരിക്കുന്നതിന് ഉചിതമായ നടപടി സ്വീകരിക്കുകയും ചെയ്യും.

ഭവന നിയന്ത്രണങ്ങള്‍ നടപ്പാക്കുന്നതിനും പാര്‍പ്പിട പ്രദേശങ്ങളില്‍ തിരക്ക് തടയുന്നതിനും പൊതു സുരക്ഷ വര്‍ദ്ധിപ്പിക്കുന്നതിനുമുള്ള വിശാലമായ ശ്രമത്തിന്റെ ഭാഗമാണ് ഈ റെയ്ഡുകളെന്ന് കുവൈത്ത് മുനിസിപ്പാലിറ്റി വക്താവ് പറഞ്ഞു. 

ALSO READ: കുവൈത്തിലെ ജലീബ് അൽ-ഷുയൂഖിൽ വൻ റെയ്ഡ്; നിരവധി പ്രവാസികൾ അറസ്റ്റിൽ

The Kuwait Municipality announced that electricity has been disconnected from 11 properties in the Farwaniya Governorate due to violations related to unapproved bachelor accommodations. The Engineering Audit and Follow-up Department conducted thorough field inspections across the areas of Khaitan, Andalus, Omariya, and Firdaus, where multiple infractions were recorded.