കുവൈത്ത് സിറ്റി: ജലീബ് അൽ-ഷുയൂഖിൽ വ്യാഴാഴ്ച പുലർച്ചെ അധികൃതർ നടത്തിയ റെയ്ഡിൽ, നിയമലംഘകരും നിയമവിരുദ്ധ താമസക്കാരും ഉൾപ്പെടെ നിരവധി ആളുകളെ അറസ്റ്റ് ചെയ്തു.

ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ-യൂസഫിന്റെ നേരിട്ടുള്ള ഉത്തരവനുസരിച്ച്, ആക്ടിംഗ് അണ്ടർസെക്രട്ടറി മേജർ ജനറൽ അലി അൽ-അദ്വാനിയുടെ മേൽനോട്ടത്തിൽ, ജനറൽ ഡിപ്പാർട്ട്മെന്റ് ഓഫ് സ്പെഷ്യൽ ഫോഴ്സാണ് റെയ്ഡ് നടത്തിയത്. 

സ്പെഷ്യൽ ഫോഴ്സസ് സെക്യൂരിറ്റി ഡയറക്ടർ ജനറൽ ബ്രിഗേഡിയർ ജനറൽ ദാഖിൽ അൽ ദാഖിൽ, ഓപ്പറേഷൻസ് ഡയറക്ടർ ബ്രിഗേഡിയർ ജനറൽ യൂസഫ് അൽ സൗരി എന്നിവർ നേരിട്ട് മേൽനോട്ടം വഹിച്ച ഈ ഓപ്പറേഷനിൽ, നിയമവിരുദ്ധ താമസക്കാരും സംശയിക്കപ്പെടുന്ന കുറ്റവാളികളും ഒളിഞ്ഞിരിക്കുന്ന പ്രധാന സ്ഥലങ്ങൾ വളയുകയായിരുന്നു.

ALSO READ: ശുചിത്വവും സുരക്ഷയും ഉറപ്പാക്കണം; ടാക്സികളിൽ പരിശോധനാ ആരംഭിച്ച് അബൂദബി

അൽ-റൈയോട് സംസാരിച്ച സുരക്ഷാ വൃത്തങ്ങൾ പറഞ്ഞതനുസരിച്ച്, റെയ്ഡിൽ നിരവധി നിയമലംഘകരെ അറസ്റ്റ് ചെയ്തു. ഇവർക്കെതിരെ കുടിയേറ്റ നിയമലംഘനങ്ങൾ മുതൽ കൂടുതൽ ഗുരുതരമായ കുറ്റങ്ങൾ വരെയുള്ള ആരോപണങ്ങളുണ്ട്.

അറസ്റ്റ് ചെയ്യപ്പെട്ടവർ

1) 18 പേർ കാലാവധി കഴിഞ്ഞ റെസിഡൻസി പെർമിറ്റുകളുള്ളവർ
2) 111 ഒളിച്ചോട്ട കേസുകൾ
3) 112 അറസ്റ്റ് വാറന്റുകളുള്ളവർ
4) 12 പേർക് തിരിച്ചറിയൽ രേഖകൾ ഇല്ലാത്തവർ
5) ലൈസൻസ് ഇല്ലാതെ വാഹനം ഓടിച്ച ഒരു പ്രായപൂർത്തിയാകാത്ത വ്യക്തി എന്നിവർ ഉൾപ്പെടുന്നു. 

ALSO READ: സോഹാർ ഇൻഡസ്ട്രിയൽ പോർട്ടിലെ ഒക്യു റിഫൈനറിയിൽ തീപിടിത്തം; നിയന്ത്രണവിധേയമെന്ന് സിഡിഎഎ

നിയമവിരുദ്ധ തൊഴിലാളികൾക്കും അനിയന്ത്രിതമായ താമസ സൗകര്യങ്ങൾക്കും പേരുകേട്ട പ്രദേശങ്ങളിൽ, ക്രമസമാധാനം ശക്തിപ്പെടുത്തുന്നതിനായി ആഭ്യന്തര മന്ത്രാലയം നടത്തിവരുന്ന പ്രചാരണത്തിന്റെ ഭാഗമാണ് ഈ നടപടികൾ. നിയമലംഘകർക്ക് അഭയം നൽകുകയോ ജോലി നൽകുകയോ ചെയ്യുന്ന തൊഴിലുടമകളും സ്പോൺസർമാരും നിയമപരമായ പ്രത്യാഘാതങ്ങൾ നേരിടേണ്ടിവരുമെന്ന് അധികൃതർ മുന്നറിയിപ്പ് നൽകി. വരും ദിവസങ്ങളിലും സുരക്ഷാ പ്രവർത്തനങ്ങൾ തുടരുമെന്ന് ഉദ്യോഗസ്ഥർ അറിയിച്ചിട്ടുണ്ട്. 

Kuwait City authorities conducted a raid in Jleeb Al-Shuyoukh on Thursday dawn, resulting in the arrest of several individuals, including violators and illegal residents. While specific details about this particular raid aren't available, similar operations in Kuwait have targeted residency and labor law violators, human trafficking, and public morals ¹