ദോഹ: ഖത്തറിലെ പ്രവാസ ഇന്ത്യക്കാര്‍ക്കായി സംഘടിപ്പിക്കുന്ന ഇന്ത്യന്‍ എംബസി ഓപണ്‍ ഹൗസ് (അംബാസിഡറോടൊപ്പമുള്ള പ്രതിമാസ യോഗം) ജൂലൈ 31 ന് വ്യാഴാഴ്ച നടക്കും.  പ്രവാസ ഇന്ത്യക്കാര്‍ക്കരുടെ പ്രശ്‌നങ്ങള്‍ കേള്‍ക്കുന്നതിനും സാധ്യമായ പരിഹാര നടപടികള്‍ നിര്‍ദേശിക്കുന്നതിനുമായി മാസം തോറും നടക്കാറുള്ള പരിപാടിയാണ് ഇന്ത്യന്‍ എംബസി ഓപണ്‍ ഹൗസ്. ഇന്ത്യന്‍ അംബാസിഡര്‍ വിപുല്‍ ഓപണ്‍ ഹൗസിന് നേതൃത്വം നല്‍കും.

 

 

പങ്കെടുക്കാന്‍ താല്‍പ്പര്യമുള്ളവര്‍ വ്യാഴാഴ്ച ഉച്ചയ്ക്ക് ശേഷം രണ്ട് മണി മുതല്‍ മൂന്ന് മണി വരെ നടക്കുന്ന രജിസ്‌ട്രേഷനില്‍ പേര് ചേര്‍ക്കണം. രജിസ്റ്റര്‍ ചെയ്ത ശേഷം 3 മണി മുതല്‍ 5 മണി വരെ എംബസിയില്‍ നേരിട്ട് ഹാജരായി ഓപണ്‍ ഹൗസില്‍ പങ്കെടുക്കാവുന്നതാണ്. 
കൂടുതല്‍ വിവരങ്ങള്‍ക്ക് 55097295 എന്ന നമ്പറില്‍ ബന്ധപ്പെടാം. ഓപണ്‍ ഹൗസില്‍ പങ്കെടുക്കാന്‍ താല്‍പര്യപ്പെടുന്നവര്‍ [email protected] എന്ന ഇമെയിലിലേക്ക് അപേക്ഷകള്‍ അയക്കുകയും ചെയ്യാമെന്നും എംബസി അറിയിച്ചു.

ALSO READ: യുഎഇയിലെ ഉയര്‍ന്ന താപനില: ഉച്ച കഴിഞ്ഞുള്ള സമയങ്ങളിലെ മയ്യിത്ത് നിസ്‌കാരങ്ങള്‍ ഒഴിവാക്കണമെന്ന് അധികൃതര്‍

Monthly Meeting with the Ambassador to address urgent consular and related issues will take place on Thursday, 31 July 2025 from 3:00 PM onwards at the Indian Embassy, Doha. For more information, please refer the attached flyer.