ഇടുക്കി: മൂന്നാറില്‍ മണ്ണിടിച്ചിലില്‍ ലോറി ഡ്രൈവര്‍ക്ക് ദാരുണാന്ത്യം. നിര്‍ത്തിയിട്ടിരുന്ന ലോറിക്ക് മുകളിലേക്ക് മണ്ണിടിഞ്ഞ് വീണാണ് അപകടമുണ്ടായത്. മൂന്നാര്‍ അന്താണിയാര്‍ സ്വദേശി ഗണേശന്‍ ആണ് മരിച്ചത്. ഇയാള്‍ക്കൊപ്പമുണ്ടായിരുന്ന മറ്റൊരാളെ രക്ഷിച്ചതായി സ്ഥിരീകരിക്കാത്ത റിപ്പോര്‍ട്ടുണ്ട്. 

മൂന്നാര്‍ ഗവണ്‍മെന്റ് കോളജിന് സമീപമാണ് അപകടമുണ്ടായത്. മണ്ണിടിച്ചിലിന് സാധ്യതയുള്ള സമയമായതിനാല്‍ ലോറി നിര്‍ത്തിയിട്ടിരിക്കുകയായിരുന്നു. എന്നാല്‍ മണ്ണിടിച്ചിലിനെ തുടര്‍ന്ന് മണ്ണം കല്ലും കുത്തിയൊലിച്ചെത്തി ലോറി താഴ്ച്ചയിലേക്ക് പതിച്ചു. സംഭവ സ്ഥലത്തുണ്ടായിരുന്ന നാട്ടുകാര്‍ ഉടന്‍ അഗ്നിരക്ഷാ സേനയെ വിവരമറിയിക്കുകയും, രക്ഷാപ്രവര്‍ത്തനം ആരംഭിക്കുകയും ചെയ്തു. ഗണേഷനെ ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 

ALSO READ: വിശപ്പിനെ ആയുധമാക്കിമാറ്റി ഇസ്റാഈൽ: ഗസ്സയിലെ പട്ടിണിമരണങ്ങൾ ചിന്തിക്കുന്നതിലും അപ്പുറം

A lorry driver lost his life in a tragic landslide in Munnar. The incident occurred when earth and debris fell onto a parked lorry, causing the fatal accident.