തൃശ്ശൂർ: ചിമ്മിനി വനമേഖലയിൽ റോഡിലേക്ക് വീണ മരച്ചില്ല മുറിക്കുന്നതിനിടെ വനം വകുപ്പിന്റെ ഇഡിസി അംഗത്തിന് ദാരുണാന്ത്യം. എച്ചിപ്പാറ ചക്കുങ്ങൽ സ്വദേശി അബ്ദുൾഖാദർ (52) ആണ് മരിച്ചത്. വൈദ്യുത കമ്പികളിൽ വീണ മരച്ചില്ല മുറിച്ചു മാറ്റുന്നതിനിടെ തലയ്ക്ക് ഗുരുതരമായി പരുക്കേറ്റാണ് അബ്ദുൾഖാദർ മരണപ്പെട്ടത്.

സംഭവത്തെ തുടർന്ന്, മരിച്ചയാളുടെ കുടുംബത്തിന് നഷ്ടപരിഹാരം ആവശ്യപ്പെട്ട് നാട്ടുകാർ വനം വകുപ്പിന്റെയും കെഎസ്ഇബി ഉദ്യോഗസ്ഥരുടെയും വാഹനങ്ങൾ തടഞ്ഞു. സർക്കാരിന്റെ ഇരു വകുപ്പുകളുടെയും ഉദ്യോഗസ്ഥരുടെ വീഴ്ചയാണ് ഒരു ജീവൻ നഷ്ടപ്പെടാൻ കാരണമെന്ന് പ്രതിഷേധക്കാർ ആരോപിച്ചു. കുടുംബത്തിന് ഉടൻ നഷ്ടപരിഹാരം നൽകണമെന്നും സർക്കാർ ഉത്തരവാദിത്തം ഏറ്റെടുക്കണമെന്നും നാട്ടുകാർ ആവശ്യപ്പെട്ടു.

ALSO READ: വാർഷിക വരുമാനം 'പൂജ്യവും മൂന്ന് രൂപയും': പ്രതിഷേധത്തിനൊടുവിൽ 40,000 രൂപയുമായി പുതിയ സർട്ടിഫിക്കറ്റ്

Abdul Khader, a member of the Forest Department's EDC, tragically died while cutting a tree branch that fell on a road. The branch, entangled with power lines, struck his head during removal. Locals protested, detaining Forest and KSEB officials, demanding compensation for his family, alleging negligence by both departments