കണ്ണൂർ: തലശ്ശേരി പെരിങ്ങത്തൂരിൽ സ്വകാര്യ ബസ് കണ്ടക്ടർക്ക് ക്രൂരമർദ്ദനം. സ്വകാര്യ സ്ഥാപനത്തിൽ പഠിക്കുന്ന യുവതിക്ക് പാസ് അനുവദിച്ചില്ലെന്നാരോപിച്ചായിരുന്നു മർദ്ദനം. ഓടിക്കൊണ്ടിരുന്ന ബസിൽ യാത്രക്കാരായ സ്ത്രീകൾ ഉൾപ്പെടെയുള്ളവരുടെ മുന്നിൽ വെച്ചാണ്  സംഘം അതി ക്രൂരമായി മർദിച്ചത്.

തലശേരി – തൊട്ടിൽ പാലം റൂട്ടിലോടുന്ന ജഗനാഥ് ബസിലെ കണ്ടക്ടർ ഇരിങ്ങണ്ണൂർ സ്വദേശി വിഷ്ണു (27) ആണ് ക്രൂരമായ മർ​ദനത്തിനിരയായത്.  കോഴിക്കോട്, കുറ്റ്യാടിയിൽ നിന്ന് തലശ്ശേരിയിലേക്കുള്ള യാത്രക്കിടെയാണ് സംഭവം.

ALSO READ: തൃശൂരിൽ വിവാഹ വാഗ്ദാനം നൽകി യുവതിയെ പീഡിപ്പിച്ചു; നിരവധി ക്രിമിനൽ കേസുകളിൽ പ്രതിയായ ബസ് ഡ്രൈവർ അറസ്റ്റിൽ

കോഴിക്കോട്, നാദാപുരത്തിനടുത്ത് കല്ലാച്ചിയിൽ നിന്ന് തൂണേരിയിലേക്ക് യാത്ര ചെയ്യാനെത്തിയ യുവതിയോട് കണ്ടക്ടർ പാസ് ചോദിച്ചിരുന്നു. യുവതിയുമായുള്ള ബസ് പാസിനെ ചൊല്ലിയുള്ള തർക്കത്തെ തുടർന്ന് യുവതിയെ ബസിൽ നിന്ന് ഇറക്കിവിട്ടു. യുവതിയുടെ ഭർത്താവും സുഹൃത്തുക്കളും ചേർന്നാണ് കണ്ടക്ടറെ മർദിച്ചത് എന്നും ആരോപണമുണ്ട്. സംഭവത്തിൽ ചൊക്ലി പൊലിസ് കണ്ടക്ടറുടെ പരാതിയിൽ കേസെടുത്ത് അന്വേഷണം ആരംഭിച്ചു. പരുക്കേറ്റ കണ്ടക്ടർ തലശ്ശേരിയിലെ ആശുപത്രിയിൽ ചികിത്സയിലാണ്.

ALSO READ: ചേർത്തലയിൽ ശരീരാവശിഷ്ടങ്ങൾ കണ്ടെത്തിയ സംഭവം: പ്രതിയുടെ വീട്ടിൽ രക്തക്കറയും ഡീസൽ കന്നാസും കണ്ടെത്തി

In Kozhikode's Peringathur, a private bus conductor, Vishnu (27), was brutally attacked by a group after denying a pass to a young woman studying at a private institution. The assault took place in a moving bus in front of passengers, including women. The incident occurred on the Thalassery-Thottilpalam route, and the injured conductor was admitted to a private hospital in Thalassery