ആലപ്പുഴ: ചേർത്തലയിൽ മനുഷ്യന്റെ ശരീരാവശിഷ്ടങ്ങൾ കണ്ടെത്തിയ സംഭവത്തിൽ, കസ്റ്റഡിയിലുള്ള പ്രതിയുടെ വീട്ടിൽനിന്ന് രക്തക്കറയും ഡീസൽ കന്നാസും കണ്ടെത്തി. ബിന്ദു പത്മനാഭൻ തിരോധാന കേസിലെ പ്രതിയായ ചേർത്തല സ്വദേശി സെബാസ്റ്റ്യനാണ് ക്രൈംബ്രാഞ്ചിന്റെ കസ്റ്റഡിയിൽ ഉള്ളത്. കോട്ടയം സ്വദേശിനി ജൈനമ്മയെ കാണാതായ കേസിലും ഇയാൾ സംശയനിഴലിലാണ്.

ജൈനമ്മയുടെ തിരോധാനവുമായി ബന്ധപ്പെട്ട ചോദ്യംചെയ്യലിനിടെ ലഭിച്ച നിർണായക വിവരങ്ങളുടെ അടിസ്ഥാനത്തിൽ സെബാസ്റ്റ്യന്റെ വീട്ടുവളപ്പിൽ ക്രൈംബ്രാഞ്ച് വിശദമായ പരിശോധന നടത്തി. പരിശോധനയിൽ മനുഷ്യന്റേതെന്ന് സ്ഥിരീകരിച്ച അസ്ഥികൂടവും ശരീരം കത്തിച്ചതിന്റെ അവശിഷ്ടങ്ങളും കണ്ടെത്തി. ഒരു വർഷത്തിൽ താഴെ പഴക്കമുള്ളതാണ് ഈ അവശിഷ്ടങ്ങൾ എന്നാണ് പ്രാഥമിക നിഗമനം. ഏകദേശം 50 വയസ്സിന് മുകളിൽ പ്രായമുള്ള ഒരാളുടെ അസ്ഥികൂടമാണ് കണ്ടെത്തിയത്.

ALSO READ: യുവതിക്ക് പാസ് അനുവദിച്ചില്ല; കോഴിക്കോട് സ്വകാര്യ ബസ് കണ്ടക്ടർക്ക് നേരെ ക്രൂരമർദ്ദനം

വിശദമായ പരിശോധനയിൽ, ശരീരാവശിഷ്ടങ്ങൾ കത്തിക്കാൻ ഉപയോഗിച്ചതെന്ന് കരുതുന്ന ഡീസൽ കന്നാസും സമീപത്തുനിന്ന് കണ്ടെടുത്തു. എന്നാൽ, ചോദ്യംചെയ്യലിനോട് സെബാസ്റ്റ്യൻ സഹകരിക്കുന്നില്ലെന്നും ഈ കേസുമായി ബന്ധപ്പെട്ട് യാതൊരു വിവരവും വെളിപ്പെടുത്തുന്നില്ലെന്നും പൊലീസ് വ്യക്തമാക്കി. കേസിൽ കൂടുതൽ തെളിവുകൾ ശേഖരിക്കുന്നതിനായി ക്രൈംബ്രാഞ്ച് അന്വേഷണം ഊർജിതമാക്കിയിട്ടുണ്ട്. ഇന്നലെയാണ്  ചേർത്തല പള്ളിപ്പുറം സ്വദേശിയായ സെബാസ്റ്റ്യന്റെ വീട്ടുവളപ്പിൽ ആണ് ശരീര അവശിഷ്ടം കണ്ടെത്തിയത്.

ALSO READ: ഷാർജയിൽ മലയാളി വിപഞ്ചികയുടെയും മകളുടെയും മരണം: അന്വേഷണം ക്രൈംബ്രാഞ്ചിന്

In Cherthala, Alappuzha, human remains were discovered, and bloodstains along with a diesel can were found at the suspect's residence. Sebastian, a local in custody for the disappearance of Bindu Padmanabhan, is also under suspicion in the case of missing Kottayam native Jainamma. During interrogation, crucial information led to a search of Sebastian's property, where human bones and incinerated remains, estimated to be less than a year old, were confirmed. The remains belong to a person over 50 years old. Sebastian remains uncooperative with the ongoing investigation