ഇടുക്കി: ഇടുക്കിയിൽ കാട്ടാന ആക്രമണത്തിൽ ടാപ്പിംഗ് തൊഴിലാളിക്ക് ദാരുണാന്ത്യം. രാവിലെ 10:30 ഓടെ, പെരുവന്താനം പഞ്ചായത്തിലെ മതമ്പ് എന്ന പ്രദേശത്ത് നടന്ന സംഭവത്തിൽ കാഞ്ഞിരപ്പള്ളി തമ്പലക്കാട് സ്വദേശിയായ പുരുഷോത്തമനാണ് മരിച്ചത്. 

പുരുഷോത്തമൻ റബർ തോട്ടം പാട്ടത്തിനെടുത്ത് ടാപ്പിംഗ് ജോലി ചെയ്തിരുന്ന ആളാണ്. അദ്ദേഹത്തിന്റെ മകനും ഒപ്പം ജോലിക്ക് ഉണ്ടായിരുന്നു. ഇരുവരും ടാപ്പിംഗ് നടത്തുന്നതിനിടെ ഒരു കൂട്ടം കാട്ടാനകൾ ഇരുവരെയും ആക്രമിക്കുകയായിരുന്നു.

ALSO READ: 'രാജ്യത്തെ പൗരന്‍മാരുടെ സുരക്ഷയുടെ ഉത്തരവാദിത്തം പ്രധാനമന്ത്രിക്ക് ഇല്ലേ' പ്രിയങ്ക; ഓപറേഷന്‍ സിന്ദൂര്‍ ചര്‍ച്ചയില്‍ മോദി സര്‍ക്കാറിനെ കുടഞ്ഞ് ഇന്നും പ്രതിപക്ഷം 

ആദ്യം മകനെ ആക്രമിക്കാനായി കാട്ടാന പാഞ്ഞടുത്തെങ്കിലും അവൻ ഓടി രക്ഷപ്പെട്ടു. തുടർന്ന് ആനക്കൂട്ടം പുരുഷോത്തമനെ ആക്രമിച്ച് വീഴ്ത്തുകയായിരുന്നു. ആ ആക്രമണത്തിൽ ഗുരുതര പരുക്കേറ്റ പുരുഷോത്തമനെ സമീപവാസികൾ ഉടൻ തന്നെ മുണ്ടക്കയത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഈ പ്രദേശത്ത് കഴിഞ്ഞ കുറച്ച് മാസങ്ങളായി കാട്ടാനകൾ ഇടയ്ക്കിടെ എത്താറുണ്ടെന്ന് വനം വകുപ്പ് ഉദ്യോഗസ്ഥർ പറഞ്ഞു. മുണ്ടക്കയത്തെ ഒരു സ്വകാര്യ ആശുപത്രിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് കൈമാറും.

A tapping worker died in a wild elephant attack in Idukki. In the incident that took place around 10:30 am in the Mathamp area of Peruvanthanam panchayat, Purushothaman, a native of Thambalakad, Kanjirapally, died. Purushothaman was a rubber plantation owner who was working as a tapping worker. His son was also working with him. While the two were tapping, a group of wild elephants attacked them.