രാത്രിയാണെങ്കിലും രാവിലെയാണെങ്കിലും എളുപ്പത്തില്‍ ഉണ്ടാക്കുവാനും രുചിയോടെ കഴിക്കാനും ചപ്പാത്തി ഇതുപോലെ ഒന്നു ഉണ്ടാക്കി നോക്കൂ. കുറച്ചു വെജിറ്റബിള്‍സും മല്ലിയിലയുമൊക്കെ ഇട്ടുണ്ടാക്കിയ ഇത് കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടമാവുകയും ചെയ്യും. ചൂടോടെ കറിയില്ലാതെയും ഇത് നിങ്ങള്‍ക്കു കഴിക്കാവുന്നതാണ്. 

പാല്‍- അരകപ്പ്
പഞ്ചസാര- ഒരു സ്പൂണ്‍
ഈസ്റ്റ് - കാല്‍ ടീസ്പൂണ്‍
ഗോതമ്പ് പൊടി / മൈദ - ഒരുകപ്പ് 
ക്യാരറ്റ്- ഒന്ന് വലുത് ഗ്രേറ്റ് ചെയ്തത്
മല്ലിയില- അര കപ്പ്

ഉണ്ടാക്കുന്ന വിധം

ഇളം ചൂടുള്ള പാലില്‍ കുറച്ചു പഞ്ചസാരയും ഒരു ടീസ്പൂണ്‍ ഇന്‍സ്റ്റന്റ് ഈസ്റ്റും ചേര്‍ക്കുക. ശേഷം നന്നായി മിക്‌സ് ചെയ്യുക. മാറ്റി വയ്ക്കുക. 15 മിനിറ്റ് കഴിഞ്ഞു ഒരു കപ്പ് മൈദയോ ഗോതമ്പു പൊടിയോ ഒരു കപ്പ് ചേര്‍ത്ത് ഉപ്പുമിട്ട് അതിലേക്ക് ക്യാരറ്റ് ഗ്രേറ്റ് ചെയ്തതും മല്ലയിലയും ഇട്ട് നന്നായി മിക്‌സ് ചെയ്‌തെടുക്കുക. ഇനി ഉണ്ടാക്കി വച്ച പാല്‍ മിശ്രിതം ഇതിലേക്ക് കുറേശ്ശായായി ഒഴിച്ച് കുഴച്ചെടുക്കുക.

പോരെങ്കില്‍ ചൂടുവെള്ളം ചേര്‍ക്കാം. അതുപോലെ മറക്കാതെ കുറച്ചു വെളിച്ചെണ്ണയും ചേര്‍ത്തു നന്നായി കുഴച്ച് 20 മിനിറ്റ് വയ്ക്കുക. ഇനി ചപ്പാത്ത് മാവു പോലെ ആക്കി ഇത് പലകയില്‍ പരത്തിയെടുക്കാം. അത്യാവശ്യം കട്ടിയില്‍ പരത്തിയെടുക്കുക. ഇനി ഇത് ചുട്ടെടുക്കാം. കുറച്ച് നെയ്യ് ചേര്‍ത്ത് ചുട്ടെടുക്കാം. അടിപൊളി രുചിയായിരിക്കും. കറിയില്ലാതെയും നിങ്ങള്‍ക്കിത് കഴിക്കാവുന്നതാണ്.