ദോഹ: ദോഹയില്‍ ഉപേക്ഷിക്കപ്പെട്ടതും പഴയതുമായ കെട്ടിടങ്ങള്‍ പൊളിച്ചുമാറ്റുന്നു. ദോഹ മുനിസിപ്പാലിറ്റി, മെക്കാനിക്കല്‍ എക്യുപ്‌മെന്റ് ഡിപ്പാര്‍ട്ട്‌മെന്റുമായി സഹകരിച്ച് നജ്മാ, ന്യൂ സലാത, അല്‍ഘാനിം, ബിന്‍ മഹ്മൂദ് എന്നിവിടങ്ങളിലെ പഴയതും ഉപേക്ഷിക്കപ്പെട്ടതുമായ കെട്ടിടങ്ങള്‍ ആണ് പൊളിക്കുന്നത്. ഇതുസംബന്ധിച്ച് എട്ട് ഉത്തരവുകള്‍ ആണ് പുറപ്പെടുവിച്ചത്. ഇതോടെ ഈ വര്‍ഷം തുടക്കം മുതല്‍ നടപ്പാക്കിയ മൊത്തം പൊളിക്കല്‍ ഉത്തരവുകളുടെ എണ്ണം 34 ആയി.

പൊതു സുരക്ഷ ഉറപ്പാക്കുന്നതിനും ദൃശ്യ മലിനീകരണം കുറയ്ക്കുന്നതിനും മികച്ച നഗര വളര്‍ച്ചയ്ക്ക് അനുസൃതമായി നഗര ഭൂപ്രകൃതിയുടെ ആകര്‍ഷണം വര്‍ദ്ധിപ്പിക്കുന്നതിനും വാസയോഗ്യമല്ലാത്ത കെട്ടിടങ്ങള്‍ നീക്കം ചെയ്യുകയെന്ന ലക്ഷ്യത്തോടെയുള്ള സമഗ്ര പദ്ധതിയുടെ ഭാഗമാണിതെന്ന് അധികൃതര്‍ അറിയിച്ചു.

നഗരങ്ങള്‍ വികസിപ്പിക്കുന്നതിനും ഉയര്‍ന്ന ജീവിത നിലവാരം കൈവരിക്കുന്നതിനുമുള്ള മുനിസിപ്പാലിറ്റിയുടെ നിരന്തരമായ ശ്രമങ്ങളുടെ ഭാഗമായാണ് നടപടി. ഖത്തര്‍ നാഷണല്‍ വിഷന്‍ 2030 നെ പിന്തുണയ്ക്കുന്ന, സംയോജിത നഗര അന്തരീക്ഷം കൈവരിക്കുന്നതിനും മുനിസിപ്പാലിറ്റി മന്ത്രാലയത്തിന്റെ തന്ത്രപരമായ ലക്ഷ്യങ്ങള്‍ക്ക് അനുസൃതമായി നിര്‍മ്മാണ നിയമങ്ങളും നിയന്ത്രണങ്ങളും നടപ്പിലാക്കുന്നതിനുള്ള പൂര്‍ണ്ണ പ്രതിബദ്ധത ദോഹ മുനിസിപ്പാലിറ്റി പ്രസ്താവനയില്‍ ആവര്‍ത്തിച്ചു.

മറ്റൊരു സംഭവത്തില്‍, ഉപേക്ഷിക്കപ്പെട്ട വാഹനങ്ങള്‍ ദോഹ മുനിസിപ്പാലിറ്റി നീക്കം ചെയ്തുതുടങ്ങി. പ്രചാരണ കാലയളവില്‍ ഉപേക്ഷിക്കപ്പെട്ട 115 വാഹനങ്ങള്‍ തിരിച്ചറിയുന്നതിനും 113 വാഹനങ്ങള്‍ നീക്കം ചെയ്യുന്നതിനും കഴിഞ്ഞു.

ALSO READ: ഇന്ത്യന്‍ രൂപയും മറ്റ് ആഗോള കറന്‍സികളും തമ്മിലെ ഇന്നത്തെ വിനിമയ നിരക്ക് | India Rupee Value Today

Doha Municipality, in co-operation with the Mechanical Equipment Department, has carried out eight demolition orders for old and abandoned buildings in the areas of Najma, New Salata, Al-Ghanim, and Bin Mahmoud.