തിരുവനന്തപുരം:  ഡോ. ഹാരിസിനെതിരായ നോട്ടീസിനെ വിമർശിച്ച് കെപിസിസി അധ്യക്ഷൻ സണ്ണി ജോസഫ് രംഗത്തെത്തി. "സത്യം വെളിപ്പെടുത്തിയ ഡോക്ടർക്കെതിരായ പ്രതികാര നടപടിയാണ് ഈ നോട്ടീസ്. സത്യം പറയുന്നവരെ ഭീഷണിപ്പെടുത്താനുള്ള സർക്കാർ നയമാണ് ഇതിന് പിന്നിൽ. ഈ നടപടിയെ ഒറ്റക്കെട്ടായി എതിർക്കും," അദ്ദേഹം പറഞ്ഞു.

ശസ്ത്രക്രിയാ ഉപകരണങ്ങളുടെ ക്ഷാമം വെളിപ്പെടുത്തിയ ഡോ. ഹാരിസ് ചിറക്കലിനെതിരെ ആരോഗ്യവകുപ്പ് നടപടിയിൽ പ്രതിഷേധിച്ചാണ് സണ്ണി ജോസഫ് സർക്കാരിനെതിരെ ആഞ്ഞടിച്ചത്. ഡോ. ഹാരിസിന് മെഡിക്കൽ വിദ്യാഭ്യാസ ഡയറക്ടർ വഴി മെഡിക്കൽ കോളജ് പ്രിൻസിപ്പൽ കാരണം കാണിക്കൽ നോട്ടീസ് നൽകിയിരുന്നു.  തിരുവനന്തപുരം മെഡിക്കൽ കോളജ് ആശുപത്രിയിലെ യൂറോളജി വിഭാഗത്തിലെ ഡോക്ടറാണ് ഹാരിസ് ചിറയ്ക്കൽ

ALSO READ: തിരുവനന്തപുരം മെഡിക്കൽ കോളേജ്: കാരണം കാണിക്കൽ നോട്ടിസിനെതിരെ ഡോ. ഹാരിസ് ചിറയ്ക്കൽ

ഡോ. ഹാരിസ് ഹസ്സൻ ഉപകരണങ്ങളുടെ ക്ഷാമം മൂലം ശസ്ത്രക്രിയകൾ മുടങ്ങുന്നതായി വെളിപ്പെടുത്തിയിരുന്നു. ഇത് വലിയ വിവാദമായതിനെ തുടർന്ന് ആരോഗ്യവകുപ്പ് നാലംഗ വിദഗ്ധ സമിതിയെ നിയോഗിച്ചു. സമിതിയുടെ റിപ്പോർട്ടിൽ ഡോ. ഹാരിസ് 1960-ലെ സർക്കാർ സർവീസ് ചട്ടങ്ങളിലെ 56, 60A, 62 വകുപ്പുകൾ ലംഘിച്ചതായി കണ്ടെത്തി. ഫേസ്ബുക്ക് പോസ്റ്റിലൂടെയും പരസ്യ പ്രസ്താവനകളിലൂടെയും സർവീസ് ചട്ടലംഘനം നടത്തിയെന്നാണ് ആരോപണം. ഹാരിസ് ഉന്നയിച്ച പരാതികളിൽ ചിലത് വസ്തുതാപരമാണെങ്കിലും മറ്റു പലതും അടിസ്ഥാന രഹിതമാണെന്നും റിപ്പോർട്ടിൽ പറയുന്നു.

നോട്ടീസിൽ ഡോ. ഹാരിസ് സർക്കാരിനെ അപകീർത്തിപ്പെടുത്താൻ ശ്രമിച്ചതായി ആരോപിക്കുന്നു. എന്നാൽ, കടുത്ത നടപടികളിലേക്ക് ആരോഗ്യവകുപ്പ് കടക്കാൻ സാധ്യതയില്ലെന്നാണ് സൂചന.

ALSO READ: ധർമസ്ഥലയിലെ ആറാം സ്പോട്ടിൽ നിന്ന് കണ്ടെടുത്തത് 15 അസ്ഥിഭാ​ഗങ്ങൾ: തുടർച്ചയായ മൂന്നാം ദിവസത്തെ തിരച്ചിലിൽ ദൂരൂ​ഹത

Dr. Harris Chirrakkal faces a show-cause notice from the Health Department for exposing a shortage of surgical equipment at Thiruvananthapuram Medical College’s Urology Department. The action, based on a committee report citing service rule violations, has sparked controversy. KPCC chief Sunny Joseph criticized the notice as a retaliatory move against the doctor for revealing the truth, vowing united opposition