ദുബൈ: 2025-ലെ ഏഷ്യാ കപ്പിന്റെ വേദികൾ പ്രഖ്യാപിച്ച് ഏഷ്യൻ ക്രിക്കറ്റ് കൗൺസിൽ (എസിസി). ഇന്ത്യ-പാകിസ്ഥാൻ ഗ്രൂപ്പ് ഘട്ട മത്സരം സെപ്റ്റംബർ 14-ന് ദുബൈ ഇന്റർനാഷണൽ സ്റ്റേഡിയത്തിൽ നടക്കും. ടി20 ഫോർമാറ്റിൽ നടക്കുന്ന ടൂർണമെന്റിന്റെ ഉദ്ഘാടന മത്സരം അഫ്ഗാനിസ്ഥാനും ഹോങ്കോങ്ങും തമ്മിലാണ്. സെപ്റ്റംബർ 9-ന് അബൂദബിയിലാകും ഉദ്ഘാടന മത്സരം നടക്കുക. ഫൈനൽ സെപ്റ്റംബർ 28-ന് ദുബൈയിൽ വെച്ചും നടക്കും.

പഹൽഗാം ഭീകരാക്രമണത്തിനും ഓപ്പറേഷൻ സിന്ദൂറിനും ശേഷം ഇന്ത്യ പാകിസ്ഥാനെതിരെ കളിക്കാൻ തീരുമാനിച്ചതിനെതിരെ വിവിധ കോണുകളില്‍ നിന്ന്‌ പ്രതിഷേധങ്ങൾ ശക്തമാകുന്നുണ്ട്. എന്നാൽ, വിവാദങ്ങൾക്കിടയിലും എസിസി വേദികൾ പ്രഖ്യാപിക്കുകയായിരുന്നു. അടുത്ത വർഷത്തെ ടി20 ലോകകപ്പിന് മുന്നോടിയായി നടക്കുന്ന ഈ ടൂർണമെന്റിൽ ഇന്ത്യയും പാകിസ്ഥാനും മൂന്ന് തവണ ഏറ്റുമുട്ടാൻ സാധ്യതയുണ്ട്.

ALSO READ: സച്ചിന്റെ ആരുംതൊടാത്ത റെക്കോർഡും തകർത്തു; ചരിത്രം തിരുത്തിയെഴുതി ജെയ്‌സ്വാൾ

സെപ്റ്റംബർ 9 മുതൽ 28 വരെ നടക്കുന്ന ഏഷ്യാ കപ്പിൽ ഇന്ത്യ തങ്ങളുടെ ആദ്യ മത്സരം സെപ്റ്റംബർ 10-ന് ദുബൈയിൽ വെച്ച് യുഎഇക്കെതിരെയാകും. ഇന്ത്യ, പാകിസ്ഥാൻ, യുഎഇ, ഒമാൻ എന്നിവ ഗ്രൂപ്പ് എ-യിലും ബംഗ്ലാദേശ്, ശ്രീലങ്ക, അഫ്ഗാനിസ്ഥാൻ, ഹോങ്കോങ് എന്നിവ ഗ്രൂപ്പ് ബി-യിലുമാണ്. ഇന്ത്യയും പാകിസ്ഥാനും സൂപ്പർ ഫോർ റൗണ്ടിലേക്ക് യോഗ്യത നേടിയാൽ, ഇരു ടീമുകളും വീണ്ടും ഏറ്റുമുട്ടും. ഇരു ടീമുകളും ഫൈനലിൽ എത്തുകയാണെങ്കിൽ മൂന്നാമതും മുഖാമുഖം വരും.

ഷെഡ്യൂൾ
സെപ്റ്റംബർ 9: അഫ്ഗാനിസ്ഥാൻ vs ഹോങ്കോങ് (അബൂദബി)
സെപ്റ്റംബർ 10: ഇന്ത്യ vs യുഎഇ (ദുബൈ)
സെപ്റ്റംബർ 11: ബംഗ്ലാദേശ് vs ഹോങ്കോങ് (അബൂദബി)
സെപ്റ്റംബർ 12: പാകിസ്ഥാൻ vs ഒമാൻ (ദുബൈ)
സെപ്റ്റംബർ 13: ബംഗ്ലാദേശ് vs ശ്രീലങ്ക (അബൂദബി)
സെപ്റ്റംബർ 14: ഇന്ത്യ vs പാകിസ്ഥാൻ (ദുബൈ)
സെപ്റ്റംബർ 15: യുഎഇ vs ഒമാൻ (അബുദാബി), ശ്രീലങ്ക vs ഹോങ്കോങ് (ദുബൈ)
സെപ്റ്റംബർ 16: ബംഗ്ലാദേശ് vs അഫ്ഗാനിസ്ഥാൻ (അബൂദബി)
സെപ്റ്റംബർ 17: പാകിസ്ഥാൻ vs യുഎഇ (ദുബൈ)
സെപ്റ്റംബർ 18: ശ്രീലങ്ക vs അഫ്ഗാനിസ്ഥാൻ (അബൂദബി)
സെപ്റ്റംബർ 19: ഇന്ത്യ vs ഒമാൻ (അബൂദബി)

സൂപ്പർ ഫോർ
സെപ്റ്റംബർ 20: ബി1 vs ബി2 (ദുബൈ)
സെപ്റ്റംബർ 21: എ1 vs എ2 (ദുബൈ)
സെപ്റ്റംബർ 23: എ2 vs ബി1 (അബൂദബി)
സെപ്റ്റംബർ 24: എ1 vs ബി2 (ദുബൈ)
സെപ്റ്റംബർ 25: എ2 vs ബി2 (ദുബൈ)
സെപ്റ്റംബർ 26: എ1 vs ബി1 (ദുബൈ)
സെപ്റ്റംബർ 28: ഫൈനൽ (ദുബൈ)

ഷെഡ്യൂൾ കഴിഞ്ഞ വർഷം പ്രഖ്യാപിച്ചിരുന്നെങ്കിലും, യുഎഇയിൽ ടൂർണമെന്റ് നടക്കുമെന്ന് എസിസി അടുത്തിടെയാണ് സ്ഥിരീകരിച്ചത്. ഇപ്പോൾ മത്സരങ്ങളുടെ വേദികൾ കൂടി പ്രഖ്യാപിച്ചതോടെ വലിയ ആവേശത്തിലാണ് ക്രിക്കറ്റ് പ്രേമികൾ.

the asian cricket council has revealed the venues for the upcoming asia cup, with the much-anticipated india vs pakistan clash set to take place in dubai. fans gear up for an epic showdown.