പാലക്കാട്: പാലക്കാട് മേപ്പറമ്പിൽ പെൺകുട്ടിയെ ശല്യപ്പെടുത്തിയത് ചോദ്യം ചെയ്ത പിതാവിന്റെ ഓട്ടോറിക്ഷ കത്തിച്ചു യുവാവ്. മേപ്പറമ്പ് സ്വദേശി റഫീഖിന്റെ ഓട്ടോറിക്ഷയാണ് അഗ്നിക്കിരയാക്കിയത്. സംഭവവുമായി ബന്ധപ്പെട്ട് പ്രദേശവാസിയായ ആഷിഫിനെ പൊലിസ് അറസ്റ്റ് ചെയ്തു.

വെള്ളിയാഴ്ച അർദ്ധരാത്രി റഫീഖിന്റെ വീട്ടിലെത്തിയാണ് ആഷിഫ് ഓട്ടോറിക്ഷ കത്തിച്ചത്. റഫീഖിന്റെ 15 വയസ്സുള്ള മകളെ ആഷിഫ് നിരന്തരം പിന്തുടർന്ന് ശല്യപ്പെടുത്തിയിരുന്നു. ഇതിനെ ചോദ്യം ചെയ്തതിന്റെ വൈരാഗ്യത്തിലാണ് ആഷിഫ് ഓട്ടോറിക്ഷ തീവെച്ച് നശിപ്പിച്ചതെന്ന് പൊലിസ് പറയുന്നു.

ALSO READ: ബെംഗളൂരുവിൽ മലയാളി വിദ്യാർഥിനിയെ പീഡിപ്പിച്ചു; കോഴിക്കോട് സ്വദേശിയായ പി.ജി. ഉടമ അറസ്റ്റിൽ

റഫീഖിന്റെ ഏക വരുമാന മാർഗമായിരുന്നു ഓട്ടോറിക്ഷ. സംഭവത്തിന് ശേഷം കേസ് ഒത്തുതീർപ്പാക്കാൻ പ്രതിയുടെ ബന്ധുക്കൾ റഫീഖിന്റെ കുടുംബ സുഹൃത്തിനെ സമീപിച്ചെങ്കിലും കുടുംബം ഇതിന് തയ്യാറല്ലെന്ന് വ്യക്തമാക്കി. പൊലിസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

ALSO READ: മുസ്‌ലിമായ പ്രധാനാധ്യാപകനെ സ്ഥലംമാറ്റാൻ സർക്കാർ സ്കൂളിലെ കുടിവെള്ളത്തിൽ വിഷം കലർത്തി: ശ്രീരാമ സേന നേതാവ് ഉൾപ്പെടെ മൂന്ന് പേർ അറസ്റ്റിൽ

In Palakkad's Meepparamb, a youth named Ashif was arrested for setting fire to an autorickshaw belonging to Rafeeq, a local resident. The incident occurred after Rafeeq confronted Ashif for continuously harassing his 15-year-old daughter. The autorickshaw, Rafeeq's sole source of income, was burned at midnight. The accused's relatives attempted to settle the matter, but Rafeeq's family refused. Police have registered a case and are investigating