അബൂദബി: ഇത്തിഹാദ് റെയിൽ ചെയർമാൻ ശൈഖ് തിയാബ് ബിൻ മുഹമ്മദ് ബിൻ സായിദ് അൽ നഹ്യാൻ, യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഹിസ് ഹൈനസ് ശൈഖ് മുഹമ്മദ് ബിൻ റാഷിദ് അൽ മക്തൂമിന് നന്ദി അറിയിച്ചു. 

ഈ സന്ദർശനം യുഎഇയുടെ ദേശീയ അടിസ്ഥാന സൗകര്യ പദ്ധതികൾക്കുള്ള നേതൃത്വത്തിന്റെ അചഞ്ചലമായ പിന്തുണയെ പ്രതിഫലിപ്പിക്കുന്നുവെന്ന് ശൈഖ് തിയാബ് വിശേഷിപ്പിച്ചു: “ഹിസ് ഹൈനസ് ശൈഖ് മുഹമ്മദ് ബിൻ റാഷിദ് അൽ മക്തൂമിനെ ഇത്തിഹാദ് റെയിൽ യാത്രാതീവണ്ടിയിൽ ദുബൈയിൽ നിന്ന് ഫുജൈറയിലേക്കുള്ള യാത്രയ്ക്ക് ആതിഥ്യം വഹിക്കാൻ കഴിഞ്ഞത് ഞങ്ങൾക്ക് അഭിമാനമാണ്. ഈ യാത്ര, നമ്മുടെ രാജ്യത്തിന്റെ ഭാവി രൂപപ്പെടുത്തുന്ന ദേശീയ പദ്ധതികളെ മുന്നോട്ടു നയിക്കാനുള്ള നേതൃത്വത്തിന്റെ പ്രതിബദ്ധതയെ പ്രതീകപ്പെടുത്തുന്നു.”

ALSO READ: യുഎഇ നിവാസികളേ...... നിങ്ങൾക്കിതാ ഒരു അപൂർവ ആകാശ വിരുന്ന് കാണാനുള്ള അവസരം; കാണാം പെർസിഡ്സ് ഉൽക്കാവർഷം

സ്വപ്നത്തിൽ നിന്ന് യാഥാർഥ്യത്തിലേക്ക്

2021-ലെ 'പ്രോജക്ട്സ് ഓഫ് ദി 50' പ്രഖ്യാപനം മുതൽ 2023-ൽ പൂർണമായും സംയോജിതമായ ദേശീയ ചരക്ക് ഗതാഗത ശൃംഖലയുടെ ഉദ്ഘാടനം വരെ, യുഎഇ റെയിൽവേ പദ്ധതിയെ ശൈഖ് മുഹമ്മദ് എന്നും പിന്തുണച്ചിട്ടുണ്ടെന്ന് ശൈഖ് തിയാബ് ചൂണ്ടിക്കാട്ടി.

“ഇത്തിഹാദ് റെയിലിന്റെ വികാസം—ആശയത്തിൽ നിന്ന് യാഥാർഥ്യത്തിലേക്കുള്ള പരിണാമം—ഹിസ് ഹൈനസ് അടുത്ത് കണ്ടിട്ടുണ്ട്. ഇന്ന്, രാജ്യത്തിന്റെ ഗതാഗത മേഖലയിൽ പരിവർത്തനാത്മകമായ ഒരു പുതിയ ഘട്ടത്തിന്റെ പടിവാതിൽക്കലാണ് ഞങ്ങൾ,” അദ്ദേഹം പറഞ്ഞു.

ശനിയാഴ്ച ഇത്തിഹാദ് റെയിലിന്റെ പുരോഗതി വിലയിരുത്താൻ ദുബൈയിൽ നിന്ന് ഫുജൈറയിലേക്കുള്ള ഇത്തിഹാദ് റെയിൽ ട്രെയിനിൽ യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം പരീക്ഷണ യാത്ര നടത്തിയിരുന്നു. 

Etihad Rail Chairman Sheikh Thiab bin Mohammed bin Zayed Al Nahyan expressed his gratitude to His Highness Sheikh Mohammed bin Rashid Al Maktoum, Vice President and Prime Minister of the UAE and Ruler of Dubai.