ഓവൽ: ടെസ്റ്റ് ക്രിക്കറ്റിൽ ചരിത്രനേട്ടം സ്വന്തമാക്കി ഇംഗ്ലണ്ട് സൂപ്പർതാരം ജോ റൂട്ട്. ഇന്ത്യക്കെതിരായ അവസാന ടെസ്റ്റിൽ സെഞ്ച്വറി നേടിയാണ് റൂട്ട് പുതിയ നേട്ടം സ്വന്തമാക്കിയത്. ഓവറിൽ നടക്കുന്ന അവസാന ടെസ്റ്റിൽ 152 പന്തിൽ 105 റൺസാണ് റൂട്ട് നേടിയത്. 12 ഫോറുകളാണ് താരം നേടിയത്.

ഇതോടെ ഹോം ടെസ്റ്റിൽ ഏറ്റവും കൂടുതൽ സെഞ്ച്വറികൾ നേടുന്ന താരമായാണ് റൂട്ട് മാറിയത്. ഇംഗ്ലണ്ടിൽ ഇതുവരെ 24 തവണയാണ് റൂട്ട് ടെസ്റ്റിൽ 100 റൺസ് നേടിയത്. ഇതിഹാസതാരങ്ങളായ മഹേള ജയവർധനെ(ശ്രീലങ്ക), ജാക് കാലിസ്(സൗത്ത് ആഫ്രിക്ക), റിക്കി പോണ്ടിങ്(ഓസ്ട്രേലിയ) എന്നിവരെ ഒരുമിച്ച് മറികടന്നാണ് റൂട്ട് ഈ നേട്ടം സ്വന്തമാക്കിയത്. ഈ മൂന്ന് താരങ്ങളും ഹോം ടെസ്റ്റിൽ 23 സെഞ്ച്വറികളാണ് നേടിയിട്ടുള്ളത്. 

മാഞ്ചസ്റ്ററിൽ നടന്ന നാലാം ടെസ്റ്റിലും റൂട്ട് സെഞ്ച്വറി നേടിയിരുന്നു. ഈ സെഞ്ച്വറി നേടിയതിന് പിന്നാലെ ടെസ്റ്റ് ക്രിക്കറ്റ് ചരിത്രത്തിൽ ഏറ്റവും കൂടുതൽ റൺസ് നേടുന്ന താരങ്ങളിൽ രണ്ടാമനാവാനും റൂട്ടിന് സാധിച്ചിരുന്നു. ഓസ്‌ട്രേലിയൻ ഇതിഹാസം റിക്കി പോണ്ടിങ്ങിനെ മറികടന്നാണ് റൂട്ട് രണ്ടാം സ്ഥാനത്തെത്തിയത്. 13378 റൺസാണ് റിക്കി പോണ്ടിങ് ടെസ്റ്റിൽ നേടിയത്. ഇനി റൂട്ടിന്റെ മുന്നിലുള്ളത് സച്ചിൻ ടെണ്ടുൽക്കർ മാത്രമാണ്. 15921 റൺസാണ് സച്ചിൻ നേടിയിട്ടുള്ളത്. 

അതേസമയം ഓവറിൽ നടക്കുന്ന ടെസ്റ്റിൽ ഇംഗ്ലണ്ടിന് വിജയിക്കാൻ 35 റൺസ് മാത്രം മതി. നാല് വിക്കറ്റുകളും ഇംഗ്ലണ്ടിന്റെ കൈവശമുണ്ട്. മത്സരത്തിൽ റൂട്ടിന് പുറമെ ഇംഗ്ലണ്ടിനായി ഹാരി ബ്രുക് സെഞ്ച്വറി നേടി. 98 പന്തിൽ 14 ഫോറുകളും രണ്ട് സിക്സുകളും അടക്കം 111 റൺസാണ് ബ്രുക് നേടിയത്. 

ഒന്നാം ഇന്നിങ്സിൽ ഇംഗ്ലണ്ട് 247 റൺസിനാണ് പുറത്തായത്. ഇന്ത്യൻ ബൗളിങ്ങിൽ സിറാജിന് പുറമെ പ്രസിദ് കൃഷ്‌ണയും നാല് വിക്കറ്റ് നേടി മിന്നും പ്രകടനം നടത്തിയപ്പോൾ ഇംഗ്ലണ്ട് തകരുകയായിരുന്നു. ഇംഗ്ലണ്ടിനായി ഹാരി ബ്രുക്, സാക് ക്രാളി എന്നിവർ അർദ്ധ സെഞ്ച്വറി നേടി മികച്ചു നിന്നു. 57 പന്തിൽ 64 റൺസാണ് ഹാരി ബ്രുക് നേടിയത്. 14 ഫോറുകളാണ് താരം നേടിയത്. 64 പന്തിൽ അഞ്ചു ഫോറുകളും ഒരു സിക്‌സും അടക്കം 53 റൺസാണ് ബ്രുക് നേടിയത്.

ഒന്നാം ഇന്നിങ്സിൽ 224 റൺസിനാണ് പുറത്തായത്. അർദ്ധ സെഞ്ച്വറി നേടിയ കരുൺ നായരാണ് ഇന്ത്യയുടെ ടോപ് സ്‌കോറർ. 109 പന്തിൽ 57 റൺസാണ് കരുൺ നേടിയത്. എട്ട് ഫോറുകളാണ് കരുൺ സ്വന്തമാക്കിയത്. ഇംഗ്ലണ്ട് ബൗളിങ്ങിൽ ഗസ് ആറ്റ്കിൻസൺ അഞ്ചു വിക്കറ്റുകൾ നേടി മികച്ച പ്രകടനമാണ് നടത്തിയത്. ജോഷ് ടംഗ് മൂന്ന് വിക്കറ്റുകളും സ്വന്തമാക്കി. 

രണ്ടാം ഇന്നിങ്സിൽ ഇന്ത്യ 396 റൺസിനാണ് പുറത്തായത്.  രണ്ടാം ഇന്നിങ്സിൽ സെഞ്ച്വറി നേടി യശ്വസി ജെയ്‌സ്വാൾ മികച്ച പ്രകടനമാണ് നടത്തിയത്. 164 പന്തിൽ 118 റൺസാണ് ജെയ്‌സ്വാൾ നേടിയത്. 14 ഫോറുകളും രണ്ട് സിക്സുകളും അടങ്ങുന്നതാണ് ജെയ്‌സ്വാളിന്റെ ഇന്നിങ്‌സ്. ആകാശ് ദീപ് അർദ്ധ സെഞ്ച്വറിയും നേടി. 94 പന്തിൽ 66 റൺസാണ് ആകാശ് ദീപ് നേടിയത്. 12 ഫോറുകളാണ് താരം നേടിയത്. വാഷിംഗ്ടൺ സുന്ദർ, രവീന്ദ്ര ജഡേജ എന്നിവർ 53 റൺസും നേടി. 

Joe Root Craete a Historical Record in Test Cricket