ദിബ്രുഗഡ് (അസം): അസമിലെ ദിബ്രുഗഡിൽ ഉത്തം ഗോഗോയി എന്ന പ്രാദേശിക വ്യാപാരി കൊല്ലപ്പെട്ട സംഭവത്തിൽ ഭാര്യയെയും മകളെയും പൊലിസ് കസ്റ്റഡിയിലെടുത്തു. കൊലപാതകം നടന്ന് എട്ട് ദിവസങ്ങൾക്ക് ശേഷമാണ് അറസ്റ്റ്. അമ്മയെയും മകളെയും കൂടാതെ മറ്റ് രണ്ട് വ്യക്തികളെയും പൊലിസ് കസ്റ്റഡിയിലെടുത്തിട്ടുണ്ട്. 

ജൂലൈ 25നായിരുന്നു വ്യാപാരി ഉത്തം ഗോഗോയിയെ സ്വന്തം വീട്ടിൽ മരിച്ചനിലയിൽ കണ്ടെത്തിയത്. ആദ്യം, മോഷണശ്രമത്തിനിടെ നടന്ന കൊലപാതകമാണെന്ന് കരുതിയെങ്കിലും, പിന്നീട് ഉത്തമിന്റെ കുടുംബം ആസൂത്രിതമായി നടപ്പാക്കിയ കൊലപാതകമാണെന്ന് തെളിയുകയായിരുന്നു. 

ഉത്തമിന്റെ 16 വയസ്സുള്ള മകൾ, ഒൻപതാം ക്ലാസ് വിദ്യാർത്ഥിനി, 21 വയസ്സുള്ള ദീപ്ജ്യോതി ബുരാഗോഹൈനുമായി പ്രണയത്തിലായിരുന്നു. ഇയാൾ ഇപ്പോൾ പൊലിസ് കസ്റ്റഡിയിലാണ്. കൊലപാതകം നടപ്പാക്കാൻ അമ്മയും മകളും ചേർന്ന് ദീപ്ജ്യോതിക്കും ഇയാളുടെ പ്രായപൂർത്തിയാകാത്ത കൂട്ടാളിക്കും വൻ തുകയും സ്വർണാഭരണങ്ങളും വാഗ്ദാനം ചെയ്തതായി ആരോപണമുണ്ട്. അറസ്റ്റിനു ശേഷം പൊലിസ് ഈ സ്വർണാഭരണങ്ങൾ കണ്ടെടുത്തു.

ALSO READ: മന്ത്രവാദ ആരോപണത്തെ തുടർന്ന് 35-കാരനെ ക്രൂരമായി കൊലപ്പെടുത്തി; സ്വകാര്യ ഭാഗങ്ങൾ മുറിച്ച് മൃതദേഹം ഡാമിൽ തള്ളി

പ്രതികൾ കൊലപാതകത്തെ മോഷണശ്രമമായി ചിത്രീകരിക്കാൻ ശ്രമിച്ചെങ്കിലും, അവരുടെ മൊഴികളിലെ വൈരുദ്ധ്യങ്ങളും ഫോറൻസിക് തെളിവുകളും അവരുടെ പങ്കാളിത്തം സ്ഥിരീകരിച്ചതായി ദിബ്രുഗഡ് സീനിയർ സൂപ്രണ്ട് ഓഫ് പൊലീസ് രാകേഷ് റെഡ്ഡി വെളിപ്പെടുത്തി.

കൊലപാതകത്തിന്റെ യഥാർത്ഥ കാരണം കണ്ടെത്താനുള്ള ശ്രമങ്ങൾ തുടരുകയാണെന്ന് അന്വേഷണ ചുമതലയുള്ള എസ്എസ്പി റെഡ്ഡി അറിയിച്ചു. സമൂഹത്തിൽ ബഹുമാനിതനായ വ്യക്തിയായിരുന്ന ഉത്തം ഗോഗോയിയുടെ കൊലപാതകം പ്രദേശത്ത് പ്രതിഷേധങ്ങൾക്ക് വഴിവെച്ചു. അതേസമയം, കുറ്റവാളികൾക്ക് കർശനമായ ശിക്ഷ വേണമെന്ന് നാട്ടുകാർ ആവശ്യപ്പെട്ടു.

In a shocking incident, the Dibrugarh police arrested a businessman's wife, Boby Gogoi, and their 9th-grade daughter for allegedly plotting the murder of Uttam Gogoi, a local businessman in Assam's Dibrugarh district. Along with the mother-daughter duo, two others, Dipjyoti Buragohain (21) and a 17-year-old boy, were also taken into custody for their involvement in the crime ¹.