ദുബൈ: ഹജ്ജ്, ഉംറ തീർത്ഥാടന അനുഭവം സുഗമമാക്കുന്നതിനും ഡിജിറ്റൽ സേവനങ്ങൾ വിപുലീകരിക്കുന്നതിനുമായി നൂസുക് ആപ്പിന്റെ പൂർണ സേവനങ്ങൾ ഇന്റർനെറ്റ് ഡാറ്റ ഉപയോഗിക്കാതെ ലഭ്യമാക്കുന്ന പുതിയ സംവിധാനം ആരംഭിച്ചിരിക്കുകയാണ് സഊദി ഹജ്ജ്, ഉംറ മന്ത്രാലയം. സഊദി ടെലികോം കമ്പനികളായ എസ്.ടി.സി, മൊബൈലി, സൈൻ എന്നിവയുമായി സഹകരിച്ചാണ് ഈ പദ്ധതി നടപ്പാക്കുന്നതെന്ന് സഊദി പ്രസ് ഏജൻസി (എസ്.പി.എ) വ്യക്തമാക്കി.

ഈ സംരംഭത്തിലൂടെ പൗരന്മാർക്കും താമസക്കാർക്കും സന്ദർശകർക്കും ഇന്റർനെറ്റ് കണക്ഷനോ ഡാറ്റ പ്ലാനോ ഇല്ലാതെ തന്നെ നൂസുക് ആപ്പിന്റെ എല്ലാ സേവനങ്ങളും ഉപയോഗിക്കാൻ സാധിക്കും.

ALSO READ: യുഎഇയിൽ ഭൂചലനം; 3.5 തീവ്രത രേഖപ്പെടുത്തി

“ഈ സംരംഭം വഴി, പെർമിറ്റുകൾ നൽകുന്നതും ബുക്കിംഗുകൾ നടത്തുന്നതും ഉൾപ്പെടെ നൂസുക് ആപ്പിലെ എല്ലാ സേവനങ്ങളും തടസ്സമില്ലാതെ ലഭ്യമാകും,” മന്ത്രാലയത്തിന്റെ വക്താവ് ഡോ. ഗസ്സാൻ അൽ നുവൈമി വ്യക്തമാക്കി.

അൽ റൗദ അൽ ശരീഫ സന്ദർശനത്തിനുള്ള പെർമിറ്റുകൾ, ഹറമൈൻ ഹൈ-സ്പീഡ് റെയിൽവേ ടിക്കറ്റ് ബുക്കിംഗ്, നൂസുക് മാപ്പുകൾ വഴിയുള്ള നാവിഗേഷൻ, അന്വേഷണങ്ങളോ റിപ്പോർട്ടുകളോ സമർപ്പിക്കൽ, “നൂസുക് എ.ഐ” അസിസ്റ്റന്റിന്റെ സേവനങ്ങൾ എന്നിവയാണ് നിലവിൽ ഡാറ്റ ചാർജുകളില്ലാതെ ലഭ്യമായ സേവനങ്ങൾ.

ഹജ്ജ്, ഉംറ സേവനങ്ങൾക്കായി എല്ലാ തീർത്ഥാടകർക്കും തടസ്സമില്ലാത്ത സമഗ്രമായ സാങ്കേതിക അടിസ്ഥാനസൗകര്യം ഒരുക്കുക എന്ന ലക്ഷ്യത്തിന്റെ ഭാഗമാണ് ഈ സംരംഭമെന്ന് മന്ത്രാലയം വ്യക്തമാക്കി.

The Saudi Ministry of Hajj and Umrah has introduced a new feature allowing pilgrims to access the Nusuk app's services offline. This initiative aims to enhance the overall Hajj and Umrah experience by providing seamless access to essential services, even without internet connectivity. The offline functionality is made possible through a partnership with major Saudi telecom companies, including STC, Mobily, and Zain [1][3].