ഡല്‍ഹി: പാര്‍ക്കിങ്ങിനെ ചൊല്ലിയുണ്ടായ തര്‍ക്കത്തെ (parking dispute)  തുടര്‍ന്ന് ബോളിവുഡ് നടി ഹുമ ഖുറേഷിയുടെ (Huma Qureshi)  ബന്ധു കൊല്ലപ്പെട്ടു. ഹുമയുടെ കസിന്‍ ബ്രദര്‍ ആയ ആസിഫ് ഖുറേഷിയാണ് (42) കൊല്ലപ്പെട്ടത്. വ്യാഴാഴ്ച രാത്രി 10 മണിയോടെ ഡല്‍ഹിയിലെ നിസാമുദ്ദീന്‍ പ്രദേശത്തായിരുന്നു സംഭവം. കൊലപാതകവുമായി ബന്ധപ്പെട്ട് രണ്ട് പേരെ അറസ്റ്റ് ചെയ്തിട്ടുണ്ട്. കൊലപാതകത്തിന് ഉപയോഗിച്ച ആയുധവും ഇവരുടെ പക്കല്‍ നിന്ന് പൊലിസ് കണ്ടെടുത്തു.

ALSO READ: പ്രോട്ടീന്‍ ബാര്‍ മുതല്‍ പാല്‍ വരെ...ആരോഗ്യകരമെന്ന് തോന്നാം ..എന്നാല്‍ ഇവയിലുമുണ്ട് ഒളിച്ചിരിക്കുന്ന വില്ലന്‍മാര്‍ 

തന്റെ വീടിന്റെ പ്രധാന കവാടത്തിന് മുന്നില്‍ പാര്‍ക്ക് ചെയ്തിരുന്ന ഇരുചക്രവാഹനം മാറ്റി പാര്‍ക്ക് ചെയ്യാന്‍ രണ്ട് യുവാക്കളോട് പറഞ്ഞതാണ് കൊലപാതകത്തില്‍ കലാശിച്ചത്. വാക്കേറ്റത്തില്‍ തുടങ്ങിയ തര്‍ക്കം വഷളായി. തര്‍ക്കത്തിനൊടുവില്‍ തിരിച്ചു വരും എന്ന ഭീഷണി മുഴക്കി രണ്ടുപേരും സ്ഥലം വിട്ടു.  കുറച്ചു കഴിഞ്ഞ് ഇവര്‍ തിരിച്ചു വരികയും ആസിഫിനെ കൊലപ്പെടുത്തുകയുമായിരുന്നു. ആസിഫിനെ ഉടന്‍ സമീപത്തെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. 

തലസ്ഥാനത്ത് ചിക്കന്‍ ബിസിനസ് നടത്തുകയാണ് ആസിഫ്. രണ്ടു ഭാര്യമാരുണ്ട്. പ്രതികളുമായി നേരത്തേയും ഇതേ വിഷയത്തില്‍ തര്‍ക്കമുണ്ടായിരുന്നുവെന്ന് ഭാര്യ പറയുന്നു. ആസിഫിനെ അതിക്രൂരമായാണ് പ്രതികള്‍ അക്രമിച്ചതെന്നും ഇവര്‍ കൂട്ടിച്ചേര്‍ത്തു.

Bollywood actress Huma Qureshi’s cousin, Asif Qureshi, was brutally killed in a parking dispute in Delhi’s Nizamuddin area. Two suspects have been arrested, and the murder weapon has been recovered.