ദുബൈ: രാജ്യത്തിന്റെ 79-ാം സ്വാതന്ത്ര്യ ദിനാഘോഷത്തോടനുബന്ധിച്ച് ഫ്രീഡം സെയില്‍ പ്രഖ്യാപിച്ച് എയര്‍ ഇന്ത്യ. ആഭ്യന്തര യാത്രകള്‍ക്ക് 1,279 രൂപ മുതലും അന്തര്‍ദേശീയ ടിക്കറ്റുകള്‍ക്ക് 4,279 രൂപ മുതലുമാണ് നിരക്ക് ആരംഭിക്കുന്നത്. 'ഫ്രീഡം സെയിലിന്റെ' ഭാഗമായി, എയര്‍ ഇന്ത്യ യുഎഇ ലക്ഷ്യസ്ഥാനങ്ങള്‍ ഉള്‍പ്പെടെ ആഭ്യന്തര, അന്തര്‍ദേശീയ വിമാനങ്ങളിലായി അഞ്ച് ദശലക്ഷം സീറ്റുകള്‍ വാഗ്ദാനം ചെയ്യുന്നു. 

ALSO READ: UAE Market Today: യുഎഇയിലെ ഇന്നത്തെ സ്വര്‍ണ, ഇന്ധന വില; ദിര്‍ഹമും ഇന്ത്യന്‍ രൂപയും തമ്മിലുള്ള വിനിമയ നിരക്കും അറിയാം

യുഎഇയില്‍ താമസിക്കുകയും ജോലി ചെയ്യുകയും ചെയ്യുന്ന ഏകദേശം 3.7 ദശലക്ഷത്തിലധികം ഇന്ത്യക്കാര്‍ക്കും യുഎഇയും മറ്റു രാജ്യങ്ങളും സന്ദശിക്കാന്‍ ആഗ്രഹിക്കുന്ന വിനോദസഞ്ചാരികള്‍ക്കും ഫ്രീഡം സെയില്‍ ഉപകാരപ്പെടും. ദുബൈ, അബൂദബി, ഷാര്‍ജ, റാസല്‍ഖൈമ എന്നിവിടങ്ങളിലേക്കുള്ള വിമാന സര്‍വീസുകളില്‍ ഈ ഇളവ് ലഭ്യമാകും. 

116 വിമാനങ്ങളുള്ള എയര്‍ ഇന്ത്യ, 38 ആഭ്യന്തര ലക്ഷ്യസ്ഥാനങ്ങളെയും 17 അന്താരാഷ്ട്ര ലക്ഷ്യസ്ഥാനങ്ങളെയും കൂട്ടിയിണക്കി 500-ലധികം വിമാന സര്‍വീസുകളാണ് ദിനംപ്രതി നടത്തിക്കൊണ്ടിരിക്കുന്നത്. 

എയര്‍ലൈനിന്റെ വെബ്സൈറ്റിലും ആപ്പിലും സെയില്‍ ആരംഭിച്ചിട്ടുണ്ട്. ഓഗസ്റ്റ് 11 മുതൽ 15 വരെ എല്ലാ പ്രധാന ബുക്കിംഗ് പ്ലാറ്റ്‌ഫോമുകള്‍ വഴിയും ബുക്കിംഗ് നടത്താനാകും. ഓണം, ദുര്‍ഗ്ഗാ പൂജ, ദീപാവലി, ക്രിസ്മസ്, മറ്റ് അവധി ദിവസങ്ങള്‍ ഉള്‍പ്പെടെ 2025 ഓഗസ്റ്റ് 19 മുതല്‍ 2026 മാര്‍ച്ച് 31 വരെയുള്ള കാലയളവില്‍ ഈ ഓഫര്‍ പ്രകാരമുള്ള യാത്രയ്ക്ക് സാധുതയുണ്ടാകും.

ALSO READ: കരകയറാതെ രൂപ; പ്രവാസികള്‍ക്കിപ്പോഴും നാട്ടിലേക്ക് പണം അയക്കാന്‍ പറ്റിയ മികച്ച സമയം | Indian Rupee Fall

ആഭ്യന്തര വിമാന ടിക്കറ്റുകള്‍ക്ക് 1,379 രൂപ മുതല്‍ 4,479 രൂപ വരെ ടിക്കറ്റ് നിരക്കുകള്‍ ഈടാക്കുമെന്ന് എയര്‍ലൈന്‍ അറിയിച്ചു. വിദ്യാര്‍ത്ഥികള്‍, മുതിര്‍ന്ന പൗരന്മാര്‍, സായുധ സേനാംഗങ്ങള്‍ എന്നിവര്‍ക്ക് പ്രത്യേക നിരക്കുകളും ആനുകൂല്യങ്ങളും വാഗ്ദാനം ചെയ്യുന്നുണ്ടെന്നും എയര്‍ ഇന്ത്യ കൂട്ടിച്ചേര്‍ത്തു.

Air India launches Freedom Sale with domestic and international flight tickets starting at just Rs 4,279. A limited-time golden opportunity for UAE expatriates to travel at discounted rates. Book now and save big.