റോം : 281 പേരുമായി പറന്ന ജര്‍മന്‍ വിമാനത്തിന് ആകാശത്ത് വച്ച് തീ പടര്‍ന്നു.ഗ്രീസിലെ കോര്‍ഫുവില്‍ നിന്ന് പറന്നുയര്‍ന്നതിന് ശേഷം വലത് എഞ്ചിനില്‍ തീ പടരുകയായിരുന്നു. ഉടന്‍ തന്നെ വിമാനം അടിയന്തരമായി ഇറ്റലിയില്‍ ലാന്‍ഡ് ചെയ്തു. 273 യാത്രക്കാരുമായി പോയ കോണ്ടോര്‍ വിമാനത്തിന്റെ ചിറകിലാണ് തീ പിടിച്ചു കണ്ടത്.

പിന്നാലെ വിമാനം ഇറ്റലിയില്‍ അടിയന്തര ലാന്‍ഡിങ് നടത്തുകയായിരുന്നു. വിമാനത്തിലെ യാത്രക്കാരെ ഒരു ദിവസം അതേ വിമാനത്തില്‍ തന്നെ താമസിപ്പിക്കുകയും പിറ്റേ ദിവസം ഡസല്‍ഡോര്‍ഫിലേക്ക് അയച്ചെന്നുമാണ് റിപോര്‍ട്ടുകള്‍ പറയുന്നത്.ജര്‍മന്‍ ബജറ്റ് കാരിയറായ കോണ്ടോറില്‍ 273 യാത്രക്കാരും എട്ട് ജീവനക്കാരും അപകട സമയത്ത് ഉണ്ടായിരുന്നു.

 ശനിയാഴ്ച രാത്രി ഗ്രീസിലെ കോര്‍ഫുവില്‍ നിന്ന് ഇറ്റലിയിലെ ഡസല്‍ഡോര്‍ഫിലേക്ക് പറന്നുയര്‍ന്ന ഉടന്‍ തന്നെ വിമാനത്തിന്റെ വലത് എഞ്ചിനില്‍ തീപിടിച്ചെന്നാണ് റിപോര്‍ട്ടുകള്‍. പുറപ്പെട്ട് ഏകദേശം ഒരു മണിക്കൂറിന് ശേഷം ഇറ്റലിയിലെ ബ്രിന്‍ഡിസിയില്‍ ബോയിങ് 757-300 വിമാനം അടിയന്തരമായി ലാന്‍ഡിങ് നടത്തുകയായിരുന്നു. ആകാശത്ത് വച്ച് തീ പടര്‍ന്ന വിമാനം ലാന്‍ഡിങിന് ശ്രമിക്കുന്ന ഭയാനകമായ ദൃശ്യങ്ങളും സമൂഹമാധ്യമങ്ങളില്‍ വൈറലായിട്ടുണ്ട്. 18 സെക്കന്‍ഡ് ദൈര്‍ഘ്യമുള്ള ഒരു വൈറല്‍ ക്ലിപ്പില്‍, വിമാനത്തിലെ ഫ്യൂസ്‌ലേജിന്റെ വലതുവശത്ത് നിന്ന് തീപ്പൊരികള്‍ ചിതറുന്നത് കാണാമായിരുന്നു.

ALSO READ: ടിക്കറ്റ് നിരക്കിൽ 50 ശതമാനം വരെ ഇളവ്; വമ്പൻ ഓഫർ പ്രഖ്യാപിച്ച് സൗദിയ എയർലൈൻസ് | Saudia Airlines Offer -

വിമാനത്തിന് തകരാര്‍ കണ്ടെത്തിയതിനെ തുടര്‍ന്ന് പൈലറ്റ് തകരാറുള്ള എഞ്ചിന്‍ പെട്ടെന്ന് ഷട്ട്ഡൗണ്‍ ചെയ്യുകയും കോര്‍ഫുവിലേക്ക് മടങ്ങാന്‍ തീരുമാനിക്കുകയുമായിരുന്നു. ഒരു എഞ്ചിനില്‍ പറക്കാന്‍ ശ്രമിച്ചെങ്കിലും വിമാനം പിന്നീട് ഇറ്റലിയിലെ ബ്രിണ്ടിസിയില്‍ ലാന്‍ഡ് ചെയ്യുകയായിരുന്നുവെന്ന് എന്‍ഡിടിവി റിപോര്‍ട്ട് ചെയ്തിരുന്നു. വിമാനത്താവളത്തിന് സമീപത്തെ ഹോട്ടലുകളില്‍ ആവശ്യത്തിന് മുറികള്‍ ലഭ്യമല്ലാത്തതിനാല്‍ യാത്രക്കാര്‍ക്ക് ഒരു രാത്രി മുഴുവനും വിമാനത്തില്‍ തന്നെ കഴിയേണ്ടി  വന്നെന്നുമാണ് റിപോര്‍ട്ടുകള്‍ പറയുന്നത്.

യാത്രക്കാര്‍ക്കുണ്ടായ അസൗകര്യത്തില്‍ ക്ഷമ ചോദിച്ച അധികൃതര്‍ പിറ്റേ ദിവസമാണ് യാത്രക്കാരെ ഡസല്‍ഡോര്‍ഫിലേക്ക് തിരിച്ച് അയച്ചത്. ബോയിങ്് 757  'അറ്റാരി ഫെരാരി' എന്ന് വിളിപ്പേരുള്ള വിമാനം ലോകത്തിലെ തന്നെ ഏറ്റവും പഴക്കം ചെന്ന പാസഞ്ചര്‍ വിമാന മോഡലുകളില്‍ ഒന്നാണ്. ഏതാണ്ട് 50 വര്‍ഷത്തെ പ്രവര്‍ത്തന പാരമ്പര്യവുമുണ്ട് ഈ മോഡല്‍ വിമാനത്തിന്. 

A major mid-air scare unfolded as a German aircraft carrying 281 people caught fire shortly after takeoff. The Condor Airlines Boeing 757-300, en route from Corfu, Greece to Düsseldorf, Germany, experienced a fire in its right engine about an hour into the flight.