ദുബൈ: ഒരു പ്രൊഡക്റ്റിന്റെ മാര്‍ക്കറ്റിംഗിന്റെ ഭാഗമായി നിരന്തരം വിളിച്ച് ശല്യപ്പെടുത്തിയെന്ന പരാതിയില്‍  പരാതിക്കാരന്‌  നഷ്ടപരിഹാരം നല്‍കാന്‍ ഉത്തരവിട്ട് കോടതി. മാര്‍ക്കറ്റിംഗ് സ്ഥാപനത്തിലെ ജീവനക്കാരനോട് 10,000 ദിര്‍ഹം നഷ്ടപരിഹാരമായി പരാതിക്കാരന് നല്‍കാനാണ് അബൂദബി കോടതി നിര്‍ദേശിച്ചത്. ഇതിനു പുറമേ കോടതി ഫീസ്, മറ്റു ചിലവുകള്‍ എന്നിവയും മാര്‍ക്കറ്റിംഗ് സ്ഥാപനത്തിലെ ജീവനക്കാരന്‍ അടയ്ക്കണം.

ALSO READ: 'റോഡുകൾ സുരക്ഷിതമായ യാത്രയ്ക്കുള്ളതാണ്, അഭ്യാസങ്ങൾക്കുള്ള വേദിയല്ല': സോഷ്യൽ മീഡിയയിൽ ശ്രദ്ധ പിടിച്ചുപറ്റാൻ കാർ സ്റ്റണ്ട്; കാറുകള്‍ പിടിച്ചെടുത്ത് ദുബൈ പൊലിസ്‌ 

ജീവനക്കാരൻ പകലെന്നോ രാത്രിയെന്നോ വ്യത്യാസമില്ലാതെ തന്നെ ശല്യം ചെയ്തെന്ന് യുവാവ് പരാതിയിൽ പറയുന്നു. പരാതി അന്വേഷിച്ച പ്രോസിക്യൂട്ടർ, ആരോപണം ശരിയാണെന്ന് കണ്ടെത്തി കോടതിയിൽ റിപ്പോർട്ട് സമർപ്പിച്ചിരുന്നു.

പരാതിക്കാരൻ സിവിൽ കോടതിയെ സമീപിച്ച്, മാർക്കറ്റിംഗ് ജീവനക്കാരന്റെ പ്രവൃത്തികൾ മൂലം തനിക്കുണ്ടായ മാനസിക ബുദ്ധിമുട്ടിന് 1,00,000 ദിർഹം നഷ്ടപരിഹാരം ആവശ്യപ്പെടുകയായിരുന്നു. കൂടാതെ, നഷ്ടപരിഹാര തുക നൽകാൻ വൈകിയാൽ പലിശയും വേണമെന്ന് വാദിച്ചിരുന്നു. എന്നാൽ, സിവിൽ കോടതി ഈ ആവശ്യം നിരാകരിച്ചു. പകരം, മാർക്കറ്റിംഗ് ജീവനക്കാരനോട് 10,000 ദിർഹം നഷ്ടപരിഹാരം നൽകാൻ കോടതി ഉത്തരവിട്ടു.

ALSO READ: യുഎഇയില്‍ എങ്ങനെ 'നോണ്‍ പേയബിള്‍' പിഴകള്‍ അടയ്ക്കാം? 

നിരന്തരമായ ഫോൺ കോളുകൾ വ്യക്തികൾക്ക് ശല്യമുണ്ടാക്കുന്നതിനെതിരെ ശക്തമായ നടപടികൾ സ്വീകരിക്കേണ്ടതിന്റെ ആവശ്യകത ഈ കേസ് വ്യക്തമാക്കുന്നു. 

A UAE court has ordered a customer to pay Dh10,000 in compensation after repeatedly making marketing calls to a business, causing disturbance and loss of time.