ജിദ്ദ: സഊദി അറേബ്യയിലെ വിദ്യാഭ്യാസ മന്ത്രാലയത്തിന്റെ ഔദ്യോഗിക വക്താവായി മുന അല്‍ അജമിയെ നിയമിച്ചു. സുതാര്യത വര്‍ധിപ്പിക്കാനും മാധ്യമങ്ങളുമായും പൊതുജനങ്ങളുമായും ഫലപ്രദമായ ആശയവിനിമയം ഉറപ്പാക്കാനും ശ്രമങ്ങളുടെ ഭാഗമായാണ് ഈ നിയമനമെന്ന് മന്ത്രാലയം പ്രസ്താവനയില്‍ പറഞ്ഞു. വിദ്യാഭ്യാസ മേഖലയിലെ സംഭവവികാസങ്ങള്‍ കൃത്യവും വ്യക്തവുമായി പൊതുജനങ്ങളിലേക്ക് എത്തിക്കുന്നതിനും മാധ്യമ ആശയവിനിമയം മെച്ചപ്പെടുത്തുന്നതിനും മന്ത്രാലയം ലക്ഷ്യമിടുന്നു. പുതിയ അധ്യയന വര്‍ഷത്തിന് മുന്നോടിയായാണ് ഈ നിയമനം. 

ഈ പോസ്റ്റിലിരിക്കുന്ന രണ്ടാമത്തെ വനിതയാണ് മുന. നിയമനത്തിന് മുന അല്‍അജമി സഊദി ഭരണകൂടത്തിന് നന്ദിയറിയിച്ചു.

'അല്ലാഹുവിന്‍ളറെ നാമത്തില്‍ തുടങ്ങുന്നു. വിദ്യാഭ്യാസ മന്ത്രാലയത്തിന്റെ ഔദ്യോഗിക വക്താവായി എന്നെ നിയമിച്ചതിന് മന്ത്രാലയത്തിന് നന്ദി. [email protected] എന്ന വിലാസത്തില്‍ നിങ്ങളുടെ അന്വേഷണങ്ങള്‍ ഞാന്‍ സ്വീകരിക്കുന്നതാണ്. മന്ത്രാലയത്തിന്റെ പുതിയ വിവരങ്ങളിലേക്കുള്ള ജാലകമായി ഈ അക്കൗണ്ട് മാറുമെന്ന് പ്രതീക്ഷിക്കുന്നു,- മുന അല്‍അജമി കുറിച്ചു.

കിംഗ് ഫൈസല്‍ സര്‍വകലാശാലയില്‍ നിന്ന് ഇംഗ്ലീഷില്‍ ബിരുദം നേടുകയും അല്‍ഹസ വിദ്യാഭ്യാസ വകുപ്പില്‍ സ്വകാര്യ, ഇന്റര്‍നാഷണല്‍ വിദ്യാഭ്യാസ വിഭാഗം സൂപ്പര്‍വൈസറായി നേരത്തെ സേവനമനുഷ്ഠിക്കുകയും ചെയ്തിട്ടുണ്ട് മുന അല്‍അജമി. കയ്‌റോ സര്‍വകലാശാലയില്‍ നിന്ന് ട്രെയിനേഴ്‌സ് ഓഫ് ട്രെയിനേഴ്‌സ് സര്‍ട്ടിഫിക്കേഷനും കരസ്ഥമാക്കി. വിദ്യാഭ്യാസ തന്ത്രങ്ങളിലും മാനവശേഷി വികസനത്തിലും സ്‌പെഷ്യലൈസ് ചെയ്ത മുന അല്‍അജമി, ഡി ബോണോ സെന്റര്‍ ഫോര്‍ തിങ്കിംഗില്‍ നിന്ന് സര്‍ട്ടിഫൈഡ് ട്രെയിനര്‍, സ്റ്റീഫന്‍ കോവി സെവന്‍ ഹാബിറ്റ്‌സ് ഫൗണ്ടേഷനില്‍ നിന്ന് ട്രെയിനര്‍ സര്‍ട്ടിഫിക്കറ്റ് എന്നിവ ഉള്‍പ്പെടെ നിരവധി പരിശീലന യോഗ്യതകള്‍ നേടിയിട്ടുണ്ട്. 

ALSO READ: ഇന്‍ഡിഗോ യാത്രക്കാര്‍ക്ക് അബൂദബിയിലും അല്‍ഐനിലും സിറ്റി ചെക്ക് ഇന്‍ സൗകര്യം | Indigo Check-in service

The Ministry of Education announced Sunday the appointment of Mona Al-Ajmi as its new spokesperson, just days before the start of the academic year. Al-Ajmi becomes the second woman to serve as the ministry’s spokesperson, following Ibtisam Al-Shehri, who held the position from 2019 to 2023 and was the first Saudi woman to serve as an official spokesperson for a government ministry.