ഓസ്‌ട്രേലിയക്കെതിരായ രണ്ടാം ടി-20യിൽ സെഞ്ച്വറി നേടി മിന്നും പ്രകടനം നടത്തിയ ഡെവാൾഡ് ബ്രെവിസിനെ പ്രശംസിച്ച് സൗത്ത് ആഫ്രിക്കൻ ഇതിഹാസം എബി ഡിവില്ലിയേഴ്സ്. ബ്രെവിസിനെ ഐപിഎൽ ലേലത്തിൽ സ്വന്തമാക്കാൻ ടീമുകൾക്ക് അവസരം ഉണ്ടായിരുന്നുവെന്നും എന്നാൽ അത് ടീമുകൾ നഷ്ടപ്പെടുത്തിയെന്നുമാണ് ഈ തകർപ്പൻ സെഞ്ച്വറിക്ക് പിന്നാലെ എബിഡി എക്‌സിൽ കുറിച്ചത്. 

ഐ‌പി‌എൽ ടീമുകൾക്ക് ലേലത്തിൽ ഡെവാൾഡ് ബ്രെവിസിനെ സ്വന്തമാക്കാൻ ഒരു സുവർണ്ണാവസരം ഉണ്ടായിരുന്നു. അത് മോശമായി നഷ്ടമായി. സി‌എസ്‌കെ വളരെ ഭാഗ്യവാൻമായിരുന്നു. ഒരുപക്ഷേ ഇതുവരെയുള്ളതിൽ വെച്ച് ഏറ്റവും വലിയ മാസ്റ്റർ സ്ട്രോക്ക്'' എബി ഡിവില്ലിയേഴ്സ് എക്‌സിൽ കുറിച്ചു.

ഓസ്ട്രേലിയക്കെതിരെ 56 പന്തിൽ പുറത്താവാതെ 125 റൺസ് നേടിയാണ് ബ്രെവിസ് കളംനിറഞ്ഞു കളിച്ചത്. 12 ഫോറുകളും എട്ട് കൂറ്റൻ സിക്സുകളും അടങ്ങുന്നതായിരുന്നു താരത്തിന്റെ തകർപ്പൻ പ്രകടനം. ഇതോടെ ഇന്റർനാഷണൽ ടി-20യിൽ സൗത്ത് ആഫ്രിക്കക്ക് വേണ്ടി ഏറ്റവും വേഗത്തിൽ സെഞ്ച്വറി നേടുന്ന രണ്ടാമത്തെ താരമായി മാറാ

2025 ഐപിഎല്ലിൽ പരുക്കേറ്റ സിമർജിത് സിങ്ങിന് പകരക്കാരനായാണ് സൗത്ത് ആഫ്രിക്കൻ താരത്തെ ചെന്നൈ ടീമിലെത്തിച്ചത്. ബ്രെവിസ് ഇതിനു മുമ്പ് ഐപിഎല്ലിൽ മുംബൈ ഇന്ത്യൻസിന് വേണ്ടിയും കളിച്ചിട്ടുണ്ട്. താരം 10 മത്സരങ്ങളിലാണ് മുംബൈക്കായി കളിച്ചത്. കൊൽക്കത്ത നൈറ്റ് റൈഡേഴ്സിനെതിരെയുള്ള മത്സരത്തിൽ അർദ്ധ സെഞ്ച്വറി നേടിയും ബ്രെവിസ് തിളങ്ങിയിരുന്നു.

ഈ സീസണിൽ പകരക്കാരനായി ചെന്നൈയിൽ എത്തി മിന്നും പ്രകടനമായിരുന്നു ബ്രെവിസ് നടത്തിയിരുന്നത്. ഇപ്പോൾ ഇന്റർനാഷണൽ ക്രിക്കറ്റിലും താരം സ്ഥിരതയാർന്ന പ്രകടനം നടത്തുമ്പോൾ അടുത്ത സീസണിൽ ചെന്നൈ നിലനിർത്താൻ പോവുന്ന താരങ്ങളിൽ ബ്രെവിസ് മുൻ നിരയിൽ തന്നെ ഉണ്ടാവുമെന്നാണ് പ്രതീക്ഷിക്കുന്നത്. 

South African legend AB de Villiers praised Dewald Brevis for his brilliant performance in the second T20I against Australia