കുവൈത്ത് സിറ്റി: വിദ്യാഭ്യാസ മന്ത്രാലയം (MOE) ഹൈസ്കൂൾ തലത്തിന് മുകളിലുള്ള ജീവനക്കാരുടെ അക്കാദമിക് സർട്ടിഫിക്കറ്റുകളുടെ രണ്ടാം ഘട്ട രജിസ്ട്രേഷൻ ആരംഭിച്ചതായി പ്രഖ്യാപിച്ചു. പൗരന്മാരുടെയും പ്രവാസികളുടെയും സർട്ടിഫിക്കറ്റുകളുടെ ആദ്യഘട്ട രജിസ്ട്രേഷൻ ഇതിനകം പൂർത്തിയായതായി മന്ത്രാലയം സ്ഥിരീകരിച്ചു. സർക്കാർ സ്ഥാപനങ്ങളിലും സ്വകാര്യ മേഖലയിലും ജോലി ചെയ്യുന്ന എല്ലാ ജീവനക്കാരുടെയും സർട്ടിഫിക്കറ്റുകൾ രജിസ്റ്റർ ചെയ്യണമെന്ന വിദ്യാഭ്യാസ സർട്ടിഫിക്കറ്റ് പരിശോധനാ സമിതിയുടെ ആവശ്യപ്രകാരമാണ് ഈ നടപടി.

മന്ത്രാലയത്തിന്റെ ഒരു പത്രക്കുറിപ്പിൽ, 2000 ജനുവരി ഒന്ന് മുതൽ അക്കാദമിക് യോഗ്യത നേടിയ എല്ലാ ജീവനക്കാരെയും (കുവൈത്തികളും വിദേശികളും) ഈ ഘട്ടത്തിൽ ഉൾപ്പെടുത്തുമെന്ന് വ്യക്തമാക്കി. ആദ്യ ഘട്ടത്തിൽ സർട്ടിഫിക്കറ്റുകൾ സമർപ്പിക്കാത്തവരെയും പുതിയ യോഗ്യതകൾ നേടിയവരെയും പുതുതായി നിയമിച്ച ജീവനക്കാരെയും ഇതിൽ ഉൾപെടുത്തും.

ALSO READ: റോഡ് അറ്റകുറ്റപ്പണികൾ; ഖത്തറിലെ വിവിധ റോഡുകൾ അടച്ചിടുമെന്ന് അഷ്​ഗൽ

ജീവനക്കാർ മന്ത്രാലയത്തിന്റെ ഔദ്യോഗിക വെബ്സൈറ്റിൽ 'അഡ്മിനിസ്ട്രേറ്റീവ് സർവിസസ്' ഐക്കണിലെ 'മൈ അക്കാദമിക് സർട്ടിഫിക്കറ്റ്സ്' വിഭാഗത്തിൽ പ്രവേശിച്ച്, ഉന്നത വിദ്യാഭ്യാസ മന്ത്രാലയം നൽകിയ അക്കാദമിക് യോഗ്യതയുടെയും തുല്യതാ സർട്ടിഫിക്കറ്റിന്റെയും ഫോട്ടോകോപ്പി അപ്‌ലോഡ് ചെയ്യണമെന്ന് മന്ത്രാലയത്തിന്റെ ആക്ടിംഗ് അണ്ടർസെക്രട്ടറി മുഹമ്മദ് അൽ-ഖാലിദി ഒരു പൊതു സർക്കുലറിൽ നിർദേശിച്ചു. അഡ്മിനിസ്ട്രേറ്റർമാർക്ക് സർക്കുലർ പുറപ്പെടുവിച്ച തീയതി മുതൽ ഒരു മാസത്തിനുള്ളിലും, സ്കൂളുകളിലെ അധ്യാപന-അഡ്മിനിസ്ട്രേറ്റീവ് ജീവനക്കാർക്ക് സെപ്റ്റംബർ 30 വരെയുമാണ് ഇത് പൂർത്തിയാക്കാനുള്ള സമയമെന്ന് അദ്ദേഹം അറിയിച്ചു.

ഡോക്യുമെന്റുകൾ അപ്‌ലോഡ് ചെയ്യുന്നതിനുള്ള നടപടിക്രമങ്ങൾ 

1) ഇ-സേവനങ്ങളിൽ ലോഗിൻ ചെയ്ത്, 'മൈ അക്കാദമിക് സർട്ടിഫിക്കറ്റ്സ്' ക്ലിക്ക് ചെയ്യുക, ശേഷം 'ആഡ് അക്കാദമിക് സർട്ടിഫിക്കറ്റ്സ്' തിരഞ്ഞെടുക്കുക,

2) തുടർന്ന് 'ക്വസ്റ്റ്യൻസ് അബൗട്ട് അക്കാദമിക് സർട്ടിഫിക്കറ്റ്സ്' എന്നതിൽ ക്ലിക്ക് ചെയ്യുക, എന്നിട്ട് PDF ഫോർമാറ്റിൽ അപ്‌ലോഡ് ചെയ്യേണ്ട അറ്റാച്ച്മെന്റ് തിരഞ്ഞെടുക്കുക. 

3) മുമ്പ് അക്കാദമിക് സർട്ടിഫിക്കറ്റുകൾ അപ്‌ലോഡ് ചെയ്ത ജീവനക്കാർക്ക് മുകളിൽ വിവരിച്ച അതേ ഘട്ടങ്ങൾ പാലിച്ചുകൊണ്ട് ഡാറ്റ കൃത്യമാണോ എന്ന് പരിശോധിക്കാൻ സാധിക്കുമെന്ന് മന്ത്രാലയം കൂട്ടിച്ചേർത്തു.

The Ministry of Education (MOE) has announced the launch of the second phase of registration for academic certificates of employees above the high school level. The ministry has confirmed that the first phase of registration for citizens' and expatriates' certificates has already been completed. This initiative aims to streamline the verification process for academic credentials, ensuring authenticity and validity ¹.