പാക്കിസ്താനെതിരെയുള്ള മൂന്ന് ഏകദിന മത്സരങ്ങളുടെ പരമ്പര 2-1ന് സ്വന്തമാക്കി വെസ്റ്റ് ഇൻഡീസ്.  പരമ്പരയിലെ അവസാന മത്സരത്തിൽ 202 റൺസിന്റെ കൂറ്റൻ വിജയമാണ് കരീബിയൻ പട സ്വന്തമാക്കിയത്.  മത്സരത്തിൽ ആദ്യം ബാറ്റ് ചെയ്ത വിൻഡീസ് 50 ഓവറിൽ 294 റൺസ് ആണ് നേടിയത്. വിജയലക്ഷ്യം പിന്തുടർന്നിറങ്ങിയ പാക്കിസ്താൻ വെറും 29.2 ഓവറിൽ 92 റൺസിന് പുറത്താവുകയായിരുന്നു. 

സെഞ്ച്വറി നേടിയ ക്യാപ്റ്റൻ ഷായ് ഹോപ്പിന്റെ കരുത്തിലാണ് വിൻഡീസ് മികച്ച സ്കോർ പടുത്തുയർത്തിയത്. 94 പന്തിൽ പുറത്താവാതെ 120 റൺസാണ് ഹോപ്പ് നേടിയത്. 10 ഫോറുകളും അഞ്ച് സിക്സുകളും അടങ്ങുന്നതായിരുന്നു വിൻഡീസ് ക്യാപ്റ്റന്റെ പ്രകടനം. ഇതോടെ ഏകദിന ക്രിക്കറ്റിൽ ഏറ്റവും കൂടുതൽ സെഞ്ച്വറി നേടുന്ന വിക്കറ്റ് കീപ്പർ ക്യാപ്റ്റൻമാരുടെ പട്ടികയിൽ രണ്ടാം സ്ഥാനത്തേക്ക് മുന്നേറാനും ഹോപ്പിന് സാധിച്ചു.

നാല് സെഞ്ച്വറികൾ നേടിയ സൗത്ത് ആഫ്രിക്കൻ ഇതിഹാസം എബി ഡിവില്ലിയേഴ്സിനെ മറികടന്നുകൊണ്ടാണ് ഹോപ്പ് ഈ നേട്ടം സ്വന്തമാക്കിയത്. ഈ പട്ടികയിൽ ഒന്നാം സ്ഥാനത്തുള്ള ഇന്ത്യയുടെ എക്കാലത്തെയും മികച്ച ക്യാപ്റ്റനായ എംഎസ് ധോണിയാണ്. ആറ് സെഞ്ച്വറികളാണ് താരം വിക്കറ്റ് കീപ്പർ ക്യാപ്റ്റൻ എന്ന നിലയിൽ ഏകദിനത്തിൽ അടിച്ചെടുത്തത്.

അതേസമയം വെസ്റ്റ് ഇൻഡീസിന്റെ ബൗളിങ്ങിൽ ആറ് വിക്കറ്റുകൾ നേടി ജെയ്ഡൻ സീൽസ് മിന്നും പ്രകടനം നടത്തിയപ്പോൾ പാക്കിസ്താൻ തകർന്നടിയുകയായിരുന്നു. 7.2 ഓവറിൽ 18 റൺസ് മാത്രം വിട്ടുനൽകിയാണ് താരം ആറു വിക്കറ്റുകൾ നേടിയത്. പാക്കിസ്ഥാനിലയിൽ സൽമാൻ അലി 30 റൺസും മുഹമ്മദ് നവാസ് 23 റൺസും നേടി. ബാക്കിയുള്ള താരങ്ങൾക്കൊന്നും 10 റൺസിനു മുകളിൽ സ്കോർ ചെയ്യാൻ സാധിച്ചില്ല. മത്സരത്തിൽ അഞ്ച് പാക് താരങ്ങളാണ് പൂജ്യത്തിന് പുറത്തായത്.

West Indies won the three-match ODI series against Pakistan 2-1. The Caribbean team won the final match of the series by a huge margin of 202 runs. West Indies captain Shai Hope scored a century to help the team post a solid score. Hope scored an unbeaten 120 off 94 balls, which included 10 fours and five sixes.