മുംബൈ: ഫലസതീനിലെ ഇസ്‌റാഈല്‍ കൂട്ടക്കൊലകളില്‍ പ്രതിഷേധിച്ച് മുംബൈയില്‍ ഗസ്സ ഐക്യദാര്‍ഢ്യ റാലി നടത്താന്‍ സി.പി.എമ്മിന് അനുമതി നല്‍കി ബോംബെ ഹൈക്കോടതി. ആയിരക്കണക്കിന് മൈലുകള്‍ അകലെയുള്ള പ്രശ്‌നങ്ങളില്‍ ശ്രദ്ധ കേന്ദ്രീകരിക്കുന്നതിനുപകരം ഇന്ത്യയെ ബാധിക്കുന്ന പ്രശ്‌നങ്ങളില്‍ ഇടപെടൂവെന്ന് ചൂണ്ടിക്കാട്ടി നേരത്തെ അനുമതി നിഷേധിച്ച ജസ്റ്റിസുമാരായ രവീന്ദ്ര ഗുഗെയും ഗൗതം അന്‍ഖാദും അടങ്ങിയ ബെഞ്ച് തന്നെയാണ് പാര്‍ട്ടിയുടെ ഹരജി പരിഗണിച്ച് ഇന്നലെ അനുമതി നല്‍കിയത്. 

പൊലിസ് അനുമതി നിഷേധിച്ചത് ചൂണ്ടിക്കാട്ടി അതേ ബെഞ്ചിന് മുമ്പാകെ സി.പി.എമ്മും സി.പി.ഐയും അടക്കമുള്ള ഇടതുകക്ഷികള്‍ വീണ്ടും ഹരജി നല്‍കുകയായിരുന്നു. ഹരജി പരിഗണിക്കവെ, ഗസ്സയിലെ ആക്രമണത്തിനെതിരേ നഗരത്തില്‍ സമാധാനപരമായ പ്രതിഷേധം നടത്താന്‍ ഇടതുപാര്‍ട്ടികളെ അനുവദിക്കാത്തത് എന്തുകൊണ്ടാണെന്ന് വിശദീകരിക്കാന്‍ മുംബൈ പൊലിസിനോട് െേഹെക്കോടതി ആവശ്യപ്പെട്ടിരുന്നു. സമാനമായ പ്രകടനം മഹാരാഷ്ട്രയിലെ തന്നെ പൂനിയില്‍ നടത്തിയ കാര്യം സി.പി.എമ്മിന് വേണ്ടി ഹാജരായ അഭിഭാഷകരായ മിഹിര്‍ ദേശായിയും ലാറ ജെസാനിയും കോടതിയില്‍ ചൂണ്ടിക്കാട്ടി. ഇതോടെ, പൂനെയില്‍ ആവാമെങ്കില്‍ എന്തുകൊണ്ട് മുംബൈയില്‍ ആയിക്കൂടായെന്ന് പൊലിസിനോട് കോടതി ചോദിച്ചു. തുടര്‍ന്നാണ് കോടതി ഇടതുപാര്‍ട്ടികള്‍ക്ക് അനുകൂലമായി ഉത്തരവിട്ടത്.

അനുമതി ലഭിച്ചതോടെ മുംബൈയിലെ ആസാദ് മൈതാനിയില്‍ ഓള്‍ ഇന്ത്യ സോളിഡാരിറ്റി ഓര്‍ഗനൈസേഷന്റെ ബാനറിലാകും ഗസ്സ ഐക്യദാര്‍ഢ്യ റാലി നടക്കുക.

ALSO READ: പ്രാര്‍ഥനായോഗത്തിലേക്ക് ജയ് ശ്രീറാം വിളിയുമായി ഇരച്ചെത്തി; ബിഹാറിലും ക്രിസ്ത്യാനികള്‍ക്കെതിരേ ഛത്തിസ്ഗഡ് മോഡല്‍ ബജ്‌റംഗ്ദള്‍ ആക്രമണം; ചിലരെ ഹിന്ദുമതത്തിലേക്ക് മാറ്റി

The Mumbai Police informed the Bombay High Court on Tuesday that the Communist Party of India (Marxist) has been granted permission to hold a 'peaceful assembly' at Azad Maidan on August 20 against the Israeli genocide in Gaza.