കുവൈത്ത് സിറ്റി: കുവൈത്തില്‍ വിഷമദ്യം കഴിച്ച്10 പ്രവാസികള്‍ മരിച്ചു. അഹമ്മദി ഗവര്‍ണറേറ്റിലെ 10 വ്യത്യസ്ത റിപ്പോര്‍ട്ടുകളിലായി 10 പേര്‍ മരിച്ചതായി പ്രാദേശിക അറബ് ദിന പത്രം ആണ് റിപ്പോര്‍ട്ട് ചെയ്തത്. 

വിഷ ബാധയേറ്റതിനെ തുടര്‍ന്ന് കഴിഞ്ഞ ഞായറാഴ്ച ഫര്‍വാനിയ, അദാന്‍ ആശുപത്രികളില്‍ 15 ഓളം പ്രവാസികളെ പ്രവേശിപ്പിച്ചിരുന്നു. ചികിത്സയില്‍ കഴിയവേ കഴിഞ്ഞദിവസങ്ങളിലാണ് ഇവരില്‍ പത്ത് പേര്‍ മരിച്ചത്. ഇവരെല്ലാം ഏഷ്യയില്‍നിന്നുള്ള പ്രവാസി തൊഴിലാളികളാണെന്നും പ്രാഥമിക പരിശോധനയില്‍ മദ്യത്തില്‍നിന്ന് വിഷബാധയേറ്റതായി സ്ഥിരീകരിച്ചതായും സ്രോതസ്സ് കൂട്ടിച്ചേര്‍ത്തു. മരിച്ചവരില്‍ മലയാളികളും ഉള്‍പ്പെട്ടതായാണ് റിപ്പോര്‍ട്ട്. 

എല്ലാം 24 മണിക്കൂറിനുള്ളില്‍ സംഭവിച്ചവയല്ലെന്നും ഒരാഴ്ചയ്ക്കുള്ളിലുണ്ടായതാണെന്നുമാണ് റിപ്പോര്‍ട്ടുകള്‍. വിഷയത്തില്‍ കുവൈത്ത് പൊലിസ് ഔദ്യോഗിക പ്രസ്താവന നടത്തിയിട്ടില്ല.

About ten expatriates found dead on the rooftop of a building in Kuwait likely died after consuming tainted alcohol, according to an official forensic report. The report concluded that the cause of death was most likely alcohol poisoning, a security source said.