അബൂദബി: ഓൺലൈൻ തട്ടിപ്പിലൂടെ ഒരാളുടെ ബാങ്ക് അക്കൗണ്ടിൽ നിന്ന് 5,000 ദിർഹം തട്ടിയെടുത്ത കേസിൽ, പ്രതികളോട് ഇരയ്ക്ക് 7,000 ദിർഹം നഷ്ടപരിഹാരം നൽകാൻ ഉത്തരവിട്ട് അബൂദബി ഫാമിലി ആൻഡ് സിവിൽ അഡ്മിനിസ്ട്രേറ്റീവ് കോടതി. 

ALSO READ: സ്വാതന്ത്ര്യ ദിനം; ഓഗസ്റ്റ് 15ന് ബുർജ് ഖലീഫ ഇന്ത്യൻ ത്രിവർണ പതാകയുടെ നിറങ്ങളിൽ തിളങ്ങും 

കോടതി രേഖകൾ പ്രകാരം, ഒരു റെസ്റ്റോറന്റിന്റെ ഓൺലൈൻ പരസ്യം കണ്ട് ഓർഡർ നൽകാൻ ശ്രമിച്ച പരാതിക്കാരനോട് പ്രതികൾ അയച്ച ലിങ്ക് വഴി 11 ദിർഹം അടയ്ക്കാൻ ആവശ്യപ്പെടപ്പെട്ടു. എന്നാൽ, ലിങ്ക് തുറന്നതോടെ ഇയാളുടെ ബാങ്ക് അക്കൗണ്ടിൽ നിന്ന് 5,000 ദിർഹം നഷ്ടപ്പെടുകയായിരുന്നു. തുടർന്നാണ് ഇയാൾ ബാനി യാസ് പബ്ലിക് പ്രോസിക്യൂഷനിൽ ക്രിമിനൽ പരാതി നൽകിയത്.

പ്രാഥമിക വിചാരണയിൽ പ്രതികൾ കുറ്റക്കാരാണെന്ന് കണ്ടെത്തി. ഓരോരുത്തർക്കും മൂന്ന് മാസം തടവും 20,000 ദിർഹം പിഴയും ശിക്ഷാ കാലാവധിക്ക് ശേഷം ഇവരെ നാടുകടത്താനും കോടതി ഉത്തരവിട്ടു. പിന്നീട് പ്രതികൾ അപ്പീൽ നൽകിയതിനെ തുടർന്ന് പിഴത്തുക 7,000 ദിർഹമായി കുറയ്ക്കുകയായിരുന്നു.

ALSO READ: തട്ടിപ്പുകളൊന്നും ഇനി വിലപ്പോവില്ല; ഗതാഗതം നിരീക്ഷിക്കാൻ സ്മാർട്ട് ഡിജിറ്റൽ സംവിധാനവുമായി ദുബൈ ആർടിഎ 

ക്രിമിനൽ ശിക്ഷ ലഭിച്ചതിന്റെ അടിസ്ഥാനത്തിൽ, തട്ടിയെടുത്ത 5,000 ദിർഹവും അധിക നഷ്ടപരിഹാരമായി 2,000 ദിർഹവും അടക്കം ആകെ 7,000 ദിർഹം ഇരയ്ക്ക് നൽകാൻ പ്രതികളോട് സിവിൽ കോടതി ഉത്തരവിട്ടു.

an abu dhabi court has ordered a fraudster to pay aed 7,000 in compensation to a victim of online fraud, highlighting the uae’s strict stance against cybercrime.