തിരൂർ: കാസർഗോഡ്-തിരുവനന്തപുരം വന്ദേ ഭാരത് എക്സ്പ്രസിന് നേരെ കല്ലേറ് ആക്രമണം. തിരൂർ റെയിൽവേ സ്റ്റേഷന് സമീപം വെച്ചാണ് സംഭവം നടന്നത്. ട്രെയിനിന്റെ C-7 കോച്ചിലെ 30-ാം നമ്പർ സീറ്റിന് സമീപമുള്ള ജനൽ ചില്ലാണ് കല്ലേറിൽ തകർന്നത്. സംഭവസമയത്ത് സീറ്റിൽ ആളുകൾ ഇല്ലാതിരുന്നതിനാൽ ആർക്കും പരുക്കേറ്റില്ല.

ആക്രമണത്തെ തുടർന്ന് ഷൊർണൂർ റെയിൽവേ പൊലിസ് ഫോഴ്സ് (ആർപിഎഫ്) സംഘം ട്രെയിനിൽ കയറി പരിശോധന നടത്തി. സംഭവവുമായി ബന്ധപ്പെട്ട് കേസെടുത്ത് അന്വേഷണം ആരംഭിച്ചിട്ടുണ്ട്. എന്നാൽ, ആക്രമണത്തിന് പിന്നിൽ ആരാണെന്ന് ഇതുവരെ കണ്ടെത്താനായിട്ടില്ല.

നേരത്തെ വന്ദേ ഭാരത് ട്രെയിനുകൾക്ക് നേരെ സമാനമായ ആക്രമണങ്ങൾ പതിവായിരുന്നു. ഒരു കാലത്ത് ഇത്തരം സംഭവങ്ങൾ കുറഞ്ഞെങ്കിലും വീണ്ടും ആക്രമണങ്ങൾ ആവർത്തിക്കപ്പെടുന്നത് യാത്രക്കാർക്കിടയിൽ ആശങ്കയുണ്ടാക്കുന്നു. അധികൃതർ സംഭവത്തെ ഗൗരവമായി കാണുകയും കുറ്റവാളികളെ കണ്ടെത്താൻ ശക്തമായ നടപടികൾ സ്വീകരിക്കുമെന്നും അറിയിച്ചു.

ALSO READ: ഗൂഗിൾ മാപ്സ് ഇനി ചതിക്കില്ല: ആക്സിഡന്റ് ബ്ലാക്ക് സ്പോട്ട് അലേർട്ടുമായി പുതിയ അപ്ഡേറ്റ്

A Vande Bharat Express train from Kasaragod to Thiruvananthapuram was attacked with stones near Tirur station, damaging the window of the C-7 coach's 30th seat. No injuries were reported as the seat was unoccupied.