മലപ്പുറം: കരാതോട് ഇങ്കൽ വ്യവസായ കേന്ദ്രത്തിൽ തീപിടിത്തം. വ്യവസായ പാർക്കിൽ നിർമാണം നടക്കുന്ന ടോപ് സ്റ്റോറി ഗോഡൗണിലാണ് ഉച്ചക്ക് മൂന്നോടെ തീപടർന്നത്. ഇറക്കുമതി ചെയ്യുന്ന പഴങ്ങളും പച്ചക്കറികളും സൂക്ഷിക്കുന്നതിനായുള്ള കോൾഡ് സ്റ്റോറേജ് നിർമാണത്തിന്റെ അന്തിമ ഘട്ടത്തിലാണ് തീ പടർന്നത്. കോൾഡ് സ്റ്റോറേജ് നിർമിക്കാനുപയോഗിക്കുന്ന പഫ് ഷീറ്റിൽ തീപടരുകയായിരുന്നു. 

ഉച്ചഭക്ഷണ സമയമായിരുന്നതിനാൽ ജോലിക്കാർ കെട്ടിടത്തിനുള്ളിൽ ഇല്ലാതിരുന്നതിനാൽ വൻ അപകടം ഒഴിവായി. 1600 സ്‌ക്വയർ ഫീറ്റ് വിസ്തീർണ്മുള്ള ഗോഡൗണിലെ സീലിംഗിലും മറ്റും സ്ഥാപിച്ച പഫ് ഷീറ്റുകൾ പൂർണമായും കത്തി നശിച്ചു. മലപ്പുറം യൂനിറ്റ് അഗ്നി രക്ഷാസേന സ്ഥലത്തെത്തി തീ നിയന്ത്രണ വിധേയമാക്കി. നാല് മാസങ്ങൾക്ക് മുമ്പാണ് ഗോഡൗൺ നിർമാണ പ്രവർത്തികൾ ആരംഭിച്ചത്.  30 ലക്ഷം രൂപയുടെ നാശനഷ്ടം ഉണ്ടായതായാണ് ഉടമകളുടെ പ്രാഥമിക വിലയിരുത്തൽ.

ALSO READ: ആർഎസ്എസ് നേതാവ് കഞ്ചാവുമായി എക്സൈസിന്റെ പിടിയിൽ

A fire broke out at the Inkel Industrial Estate in Malappuram, causing concern among local authorities and businesses. Emergency services responded promptly to control the blaze, and investigations are underway to determine the cause and extent of the damage. No casualties have been reported so far