അബൂദബി: ജോലിസ്ഥലത്ത് വെച്ച് ഗുരുതരമായി പരുക്കേറ്റ തൊഴിലാളിക്ക് 15,000 ദിർഹം നഷ്ടപരിഹാരം നൽകാൻ ഉത്തരവിട്ട് അബൂദബി കുടുംബ, സിവിൽ, അഡ്മിനിസ്‌ട്രേറ്റീവ് കോടതി. കോടതി ഫീസിനും മറ്റ് ചെലവുകൾക്കും പുറമേ, ശാരീരികവും മാനസികവുമായ നഷ്ടങ്ങളും പരി​ഗാണിച്ചാണ് കോടതി ഭീമമായ തുക വിധിച്ചത്. കമ്പനിയുടെ അശ്രദ്ധയും ആവശ്യമായ സുരക്ഷാ മുൻകരുതലുകൾ എടുക്കാത്തതുമാണ് പരുക്കിന് കാരണമെന്ന് കോടതി കണ്ടെത്തി.

ALSO READ: യുഎഇയിലെ പ്രായം കുറഞ്ഞ കരള്‍ സ്വീകര്‍ത്താവായി അഹമ്മദ്; 5 മാസം പ്രായമുള്ള അഹമ്മദിന്റെ ജീവന്‍ നിലനിര്‍ത്തിയത് ഇളയമ്മയുടെ കരള്‍, സംഘത്തില്‍ മലയാളി ഡോക്ടറും 

ജോലിസ്ഥലത്ത് ആവശ്യമായ സുരക്ഷാ ഉപകരണങ്ങൾ നൽകുന്നതിൽ കമ്പനി പരാജയപ്പെട്ടതാണ് തൊഴിലാളിക്ക് പരുക്കേൽക്കാൻ ഇടയാക്കിയത് എന്ന് കോടതി വ്യക്തമാക്കി. ബാനി യാസിലെ പ്രോസിക്യൂട്ടർമാർ കമ്പനിക്കെതിരെ ക്രിമിനൽ കേസ് ഫയൽ ചെയ്തിരുന്നു. അബൂദബി ക്രിമിനൽ കോടതി കമ്പനിയെ കുറ്റക്കാരാണെന്ന് വിധിക്കുകയും, പിന്നീട് അപ്പീലിൽ ഈ വിധി ശരിവയ്ക്കുകയും ചെയ്യുകയായിരുന്നു.

അപകടത്തിൽ തൊഴിലാളിക്ക് ഇടത് കണ്ണിന്റെ കാഴ്ചശക്തി പൂർണമായി നഷ്ടപ്പെട്ടു. കൂടാതെ, കവിളിൽ ചതവ്, കണ്ണിന്റെ തടത്തിലും കവിളെല്ലിലും ഒടിവുകൾ, അക്യൂട്ട് കൺജങ്ക്റ്റിവിറ്റിസ് തുടങ്ങിയ ഗുരുതര പരുക്കുകളും സംഭവിച്ചിരുന്നു. 

ALSO READ: ഒസിഐ നിയമങ്ങള്‍ കര്‍ശനമാക്കി ആഭ്യന്തരമന്ത്രാലയം; ഗുരുതര കുറ്റകൃത്യങ്ങളില്‍ കുറ്റപത്രം സമര്‍പ്പിച്ചാല്‍ രജിസ്‌ട്രേഷന്‍ റദ്ദാക്കും | OCI Rules 

തൊഴിലാളി 200,000 ദിർഹം നഷ്ടപരിഹാരം ആവശ്യപ്പെട്ട് കേസ് ഫയൽ ചെയ്തിരുന്നു. ഇതിൽ ശാരീരിക-മാനസിക നഷ്ടങ്ങൾ, വരുമാനനഷ്ടം, മറ്റ് നാശനഷ്ടങ്ങൾ എന്നിവ ഉൾപ്പെടുന്നു. കൂടാതെ, 4,107 ദിർഹത്തിന്റെ നിയമപരമായ ഫീസിന് പുറമേ, കേസ് ഫയൽ ചെയ്ത ദിവസം മുതൽ പൂർണ പേയ്‌മെന്റ് വരെ 12 ശതമാനം വാർഷിക പലിശയും ആവശ്യപ്പെട്ടിരുന്നു. ക്രിമിനൽ വിധിയും ഫോറൻസിക് റിപ്പോർട്ടും പരിഗണിച്ച കോടതി, കമ്പനിയുടെ അശ്രദ്ധ മൂലമാണ് തൊഴിലാളിക്ക് നഷ്ടങ്ങളുണ്ടായതെന്ന് കണ്ടെത്തി. അന്തിമ വിധിയിൽ, എല്ലാ നഷ്ടങ്ങൾക്കും പരിഹാരമായി 15,000 ദിർഹം നൽകാനും കോടതി ഫീസും ചെലവുകളും കമ്പനി വഹിക്കാനും കോടതി ഉത്തരവിടുകയായിരുന്നു.

abu dhabi court has ordered a worker to pay dh15,000 in compensation for causing a workplace injury, emphasizing the uae’s strict laws on occupational safety and liability.