ചേർത്തല: ചേർത്തലയിലെ തിരോധാന പരമ്പര കേസിൽ ഞെട്ടിക്കുന്ന വെളിപ്പെടുത്തലുമായി അയൽവാസിയായ സ്ത്രീ. കാണാതായ ബിന്ദു കൊല്ലപ്പെട്ടതായും കൊലപാതകം നടത്തിയത് സെബാസ്റ്റ്യനും ഫ്രാങ്ക്ളിനും ചേർന്നാണെന്നുമാണ് ശശികല എന്ന സ്ത്രീ വെളിപ്പെടുത്തിയത്. മയക്കുമരുന്ന് നൽകി പള്ളിപ്പുറത്തെ സെബാസ്റ്റ്യന്റെ വീട്ടിലെ ശുചിമുറിയിൽ വെച്ചാണ് ബിന്ദുവിനെ കൊലപ്പെടുത്തിയതെന്നാണ് വിവരം. പിന്നിൽ സാമ്പത്തിക ലക്ഷ്യത്തിന് വേണ്ടിയാണ് ബിന്ദുവിനെ കൊലപ്പെടുത്തിയതെന്നും സത്രീ പറയുന്നു. ഈ ഞെട്ടിക്കുന്ന കുറ്റകൃത്യത്തിന്റെ വിശദാംശങ്ങൾ ദല്ലാളായ സോഡ പൊന്നപ്പൻ എന്നയാൾക്കും അറിയാമെന്ന് സ്ത്രീ വെളിപ്പെടുത്തിയതായാണ് റിപ്പോർട്ട്. പൊന്നപ്പന്റെയും വെളിപ്പെടുത്തൽ നടത്തിയ ശശികലയും തമ്മിലുള്ള ശബ്ദ​രേഖ ക്രൈംബ്രാഞ്ചിന് കൈമാറിയിട്ടുണ്ട്. 

ALSO READ: മഹീന്ദ്ര മറാസോ: 50,000 രൂപ ഡിസ്‌കൗണ്ട് പിൻവലിച്ചു; 2 ലക്ഷം ഓഫറിൽ കാർ പ്രേമികൾ വീണു

അതേസമയം കാണാതായ ഏറ്റുമാനൂർ സ്വദേശി ജെയ്നമ്മ തിരോധാനക്കേസിൽ ,പള്ളിപ്പുറത്തെ പ്രതി സെബാസ്റ്റ്യന്റെ വീട്ടിൽ നിന്ന് കണ്ടെത്തിയ രക്തക്കറ ജെയ്നമ്മയുടേതാണെന്ന് സ്ഥിരീകരിച്ചു. തിരുവനന്തപുരത്തെ ഫോറൻസിക് ലാബിൽ നടത്തിയ പരിശോധനയിലാണ് സ്ഥിരീകരിച്ചത്. ഡിഎൻഎ പരിശോധനാ ഫലം ഇനിയും ലഭ്യമായിട്ടില്ലെങ്കിലും, വീട്ടിൽ നിന്ന് ലഭിച്ച മറ്റ് തെളിവുകൾ കേസിന്റെ ചുരുളഴിക്കുന്നതിന് സഹായകമായേക്കുമെന്ന് ക്രൈം ബ്രാഞ്ച് അന്വേഷണ സംഘം വ്യക്തമാക്കി.

ALSO READ: കോഴിക്കോട് കൊയിലാണ്ടിയിൽ നിർമാണത്തിലിരുന്ന പാലം തകർന്നു വീണു 

2006 മുതൽ 2025 വരെയുള്ള കാലയളവിൽ 40നും 50നും ഇടയിൽ പ്രായമുള്ള നാല് സ്ത്രീകളാണ് കാണാതായത്. ഇവരിൽ ബിന്ദു പത്മനാഭൻ (2006), ഐഷ (2012), സിന്ധു (2020), ജെയ്നമ്മ (2024) എന്നിവരുടെ തിരോധാനവുമായി ബന്ധപ്പെട്ട് സെബാസ്റ്റ്യൻ (68) എന്ന പ്രതിയിലേക്കാണ് അന്വേഷണം വിരൽചൂണ്ടുന്നത്. പള്ളിപ്പുറത്തെ സെബാസ്റ്റ്യന്റെ വീട്ടിൽ നിന്ന് അസ്ഥികൂട അവശിഷ്ടങ്ങൾ ലഭിച്ചതോടെ ജെയ്നമ്മയുടെ കേസ് കൊലപാതകമായി അന്വേഷിക്കുകയാണ് പൊലീസ്.

ALSO READ: മലപ്പുറത്ത് ഇങ്കൽ വ്യവസായ കേന്ദ്രത്തിൽ തീപിടിത്തം

2020 ഒക്ടോബർ 19-ന്, മകളുടെ വിവാഹനിശ്ചയത്തിന് രണ്ട് ദിവസം മുമ്പാണ് തിരുവിഴ സ്വദേശി സിന്ധുവിനെ കാണാതുകന്നത്. അമ്പലത്തിൽ പോയതിന് ശേഷം കാണാതാവുകയായിരുന്നു. അർത്തുങ്കൽ പൊലിസ് നടത്തിയ അന്വേഷണത്തിൽ സിന്ധുവിന്റെ തിരോധാനത്തിന്റെ കാരണം കണ്ടെത്താനായില്ല. സെബാസ്റ്റ്യനുമായി ഏതെങ്കിലും വിധത്തിലുള്ള ബന്ധം ഉണ്ടോ എന്നതിനും ഇതുവരെ തെളിവുകൾ ലഭിച്ചിട്ടില്ല.

2006-ൽ ബിന്ദു പത്മനാഭന്റെ തിരോധാനത്തോടെയാണ് സെബാസ്റ്റ്യനെതിരെ സംശയത്തിന്റെ ആദ്യ വിരൽ ഉയർന്നത്. ഈ കേസിലാണ് ഇപ്പേൾ നിർണായക വിവരങ്ങൾ അയൽവാസിയായ ശശികല വെളിപ്പെടുത്തിയിരിക്കുന്നത്. 2012-ൽ ഐഷ, 2020-ൽ സിന്ധു, 2024-ൽ ജെയ്നമ്മ എന്നിവരുടെ തിരോധാനങ്ങൾ റിപ്പോർട്ട് ചെയ്യപ്പെട്ടു. 

ALSO READ: ഒറ്റ ചാർജിൽ 130 കിലോമീറ്റർ വരെ: സ്‍മാർട്ട് ഫീച്ചറുകളും കുറഞ്ഞ വിലയും; ഒഡീസ് സൺ വിപണിയിൽ

സെബാസ്റ്റ്യന്റെ പള്ളിപ്പുറത്തെ വീട്ടിൽ നടത്തിയ പരിശോധനകളിൽ നിന്ന് ലഭിച്ച തെളിവുകൾ കേസിന്റെ ഗതി മാറ്റിയേക്കുമെന്നാണ് പൊലീസിന്റെ വിലയിരുത്തൽ. ചേർത്തലയിലും പരിസരപ്രദേശങ്ങളിലും സമാനമായ മറ്റ് തിരോധാന കേസുകളും വീണ്ടും അന്വേഷിക്കുകയാണ്. കൂടുതൽ പേർ സെബാസ്റ്റ്യന്റെ ഇരകളായിട്ടുണ്ടോ എന്ന സംശയത്തിലാണ് അന്വേഷണ സംഘം.

In a shocking twist in the Cherthala missing case, a neighbor has revealed that Bindu was murdered by Sebastian and Franklin in the bathroom of Sebastian's house in Pallippuram. The neighbor also claimed that Soda Ponnappan was aware of the crime. Police are investigating further