പാലക്കാട്: നെന്മാറ ഇരട്ടക്കൊലക്കേസിലെ പ്രതി ചെന്താമര പൊലിസ് കസ്റ്റഡിയിൽ വെച്ച് ഭീഷണി. "കുടുംബത്തെ നശിപ്പിച്ചവരെ ഇല്ലാതാക്കും, എനിക്കെതിരെ നിൽക്കുന്നവരെ അറിഞ്ഞാൽ അവരെയും തീർക്കും,"തനിക്കെതിരെ മൊഴി നൽകിയവരെ കൊല്ലുമെന്നും ഭാര്യയുടെ ജീവിതം തകർക്കുമെന്നും ചെന്താമര കോടതിയിലേക്ക് കൊണ്ടുപോകുന്നതിനിടെ പ്രതികരിച്ചു.

നെന്മാറ കേസിന്റെ വിചാരണ നടപടികൾ ആരംഭിച്ചതിന്റെ ഭാഗമായി ചെന്താമരയുടെ ഭാര്യ ഇന്ന് പാലക്കാട് കോടതിയിൽ മൊഴി നൽകിയിരുന്നു. ഇതിന് പിന്നാലെയാണ് പ്രതിയുടെ ഭീഷണി ഉയർന്നത്.

പോത്തുണ്ടി സ്വദേശികളായ സുധാകരനെയും അവരുടെ അമ്മ മീനാക്ഷിയെയും വെട്ടിക്കൊലപ്പെടുത്തിയ കേസിലെ പ്രതിയാണ് ചെന്താമര.  വീടിന് മുന്നിൽ വച്ചാണ് ഇരുവരും ക്രൂരമായി കൊല്ലപ്പെട്ടത്. സുധാകരനെ ആക്രമിക്കുന്ന ശബ്ദം കേട്ട് ഓടിയെത്തിയ ലക്ഷ്മിയെയും ചെന്താമര വെട്ടിപ്പരിക്കേൽപ്പിക്കുകയായിരുന്നു. സുധാകരൻ സംഭവസ്ഥലത്ത് വച്ചും ലക്ഷ്മി സ്വകാര്യ ആശുപത്രിയിൽ വച്ചും മരണപ്പെട്ടു.

ALSO READ: കോഴിക്കോട് കൊയിലാണ്ടിയിൽ നിർമാണത്തിലിരുന്ന പാലം തകർന്നു വീണു

2019-ൽ സുധാകരന്റെ ഭാര്യ സജിതയെ ചെന്താമര കഴുത്തറുത്ത് കൊലപ്പെടുത്തിയിരുന്നു. സജിത, സുധാകരൻ, ലക്ഷ്മി എന്നിവർ തന്റെ കുടുംബത്തെ തകർത്തുവെന്ന് ആരോപിച്ചാണ് ചെന്താമര സജിതയെ കൊലപ്പെടുത്തിയത്. ചെന്താമരയുടെ ഭാര്യയും മക്കളും ഇയാളുമായി അകന്ന് കഴിയുകയാണ്. നിലവിൽ കേസിന്റെ വിചാരണ നടപടികൾ പുരോഗമിക്കുകയാണ്. പ്രതിയുടെ ഭീഷണി കേസിന്റെ ഗൗരവം വർധിപ്പിക്കുന്നതിനിടയാക്കിയിട്ടുണ്ട്.

ALSO READ: ചേർത്തല തിരോധാന കേസിൽ ഞെട്ടിക്കുന്ന വെളിപ്പെടുത്തൽ: ബിന്ദു കൊല്ലപ്പെട്ടതായി അയൽവാസി

In the Nenmara double murder case, accused Chenthamara, while in police custody, threatened to kill his wife for testifying against him in court. He also vowed to eliminate those who ruined his family. The trial began after Chenthamara brutally killed Sudhakaran and his mother Meenakshi in Pothundi, with Lakshmi, who attempted to intervene, also succumbing to injuries.