റിയാദ്: തെക്കുപടിഞ്ഞാറന്‍ സഊദിയിലെ അസീര്‍ മേഖലയിലെ അബഹ നഗരത്തില്‍ ഇടിമിന്നലേറ്റ് യുവതിയും മകളും മരിച്ചു. രാജ്യത്തിന്റെ വടക്കന്‍ അതിര്‍ത്തിക്കടുത്തുള്ള അല്‍ ഖുറയ്യത്തില്‍ നിന്ന് അബഹയിലെ തണുത്ത വേനല്‍ക്കാലവും മഴയും ആസ്വദിക്കാന്‍ എത്തിയതായിരുന്നു ഇവര്‍. മറ്റ് വിനോദസഞ്ചാരികള്‍ക്കൊപ്പം ഒരു മരത്തിനടിയില്‍ അഭയം തേടിയിരുന്ന ഇവര്‍ മഴയിലൂടെ നടക്കുന്നതിനിടെയായിരുന്നു ഇടിമിന്നലേറ്റതെന്ന് ദൃക്‌സാക്ഷികള്‍ പറഞ്ഞു.

മഴയുടെ ഫോട്ടോ എടുക്കാന്‍ ശ്രമിക്കുന്നതിനിടെ യുവതിക്കും മകള്‍ക്കും ഇടിമിന്നലേല്‍ക്കുകയായിരുന്നു. ഇവരെ അടുത്തുള്ള ആശുപത്രിയില്‍ എത്തിച്ചെങ്കിലും ഉടന്‍ തന്നെ മരിക്കുകയായിരുന്നു.

a tragic lightning strike in abah, saudi arabia, claimed the lives of a woman and her daughter while they were enjoying the rainy weather during a trip.