പാലക്കാട്: പാലക്കാട് സ്ത്രീകളുടെയും കുട്ടികളുടെയും ആശുപത്രിയിൽ നടന്ന പ്രസവ ശസ്ത്രക്രിയയ്ക്കിടെ കുഞ്ഞ് മരണപ്പെട്ട സംഭവത്തിൽ ചികിത്സാ പിഴവുണ്ടായെന്നാരോപിച്ച് കുടുംബം ആശുപത്രി അധികൃതർക്കെതിരെ രംഗത്തെത്തി.

തൻസീർ–ഷഹബാനത്ത് ദമ്പതികളുടെ കുഞ്ഞാണ് മരിച്ചത്. തിങ്കളാഴ്ച പ്രസവത്തിനായി യുവതിയെ ആശുപത്രിയിൽ എത്തിച്ചെങ്കിലും, ശസ്ത്രക്രിയയ്ക്കിടെ കുഞ്ഞ് മരണപ്പെട്ടു. ആവശ്യമായ ചികിത്സ യഥാസമയം ലഭിക്കാത്തതാണ് മരണത്തിന് കാരണമായതെന്ന് കുടുംബാംഗങ്ങൾ ആരോപിച്ചു.

സംഭവത്തെ തുടർന്ന് ബന്ധുക്കളും നാട്ടുകാരും ആശുപത്രി മുന്നിൽ പ്രതിഷേധം നടത്തി. വിവരമറിഞ്ഞ പൊലീസ് സ്ഥലത്തെത്തി. കുഞ്ഞിന്റെ മരണത്തിൽ ആശുപത്രിയിലെ ചികിത്സാ പിഴവാണ് കാരണം എന്നാണു പരാതി, എന്നാൽ ആശുപത്രി അധികൃതരുടെ പ്രതികരണം ഇതുവരെ ലഭ്യമായിട്ടില്ല.

A newborn died during an obstetric surgery at Palakkad Women and Children's Hospital. The baby of couple Tanseer and Shahbanath passed away during delivery, with the family alleging delayed treatment and medical negligence. Relatives staged a protest, prompting police intervention.