ലോകത്തില്‍ ഏറ്റവും കൂടുതല്‍ സ്വര്‍ണം ഉപയോഗിക്കുന്നവര്‍ എവിടെയെന്ന് ചോദിച്ചാല്‍ ഇന്ത്യക്കാര്‍ എന്നു തന്നെയാവും ഉത്തരം. സ്വര്‍ണമില്ലാത്തൊരു ജീവിതം ഇന്ത്യക്കാരെ സംബന്ധിച്ച് ചിന്തിക്കാന്‍ പോലുമാവാത്തതാണ്. ഏത് ചടങ്ങിനും സ്വര്‍ണം മുഖ്യം ബിജിലേ ആണ് ഇന്ത്യക്കാര്‍ക്ക് പ്രത്യേകിച്ച് മലയാളികള്‍ക്ക്. സമ്മാനം കൊടുക്കാനായാലും നാം പരിഗണിക്കുന്നത് സ്വര്‍ണം തന്നെ. ഇനി സമ്പാദ്യം എന്ന നിലക്ക് ആയാലും സ്വര്‍ണമാണ് മുഖ്യം.  

എന്നാല്‍ നാം വാങ്ങുന്ന സ്വര്‍ണ പരിശുദ്ധമാണോ എന്ന് നോക്കി വേണം നാം ആഭരണം വാങ്ങുന്നതിന്. നിലവില്‍ സ്വര്‍ണത്തിന് വില കുതിക്കുകയാണ്. പവന്‍ സ്വര്‍ണം വാങ്ങാന്‍ ലക്ഷത്തോളം വേണമെന്ന അവസ്ഥയിലേക്കാണ് കാര്യങ്ങള്‍ നീങ്ങുന്നത്. സ്വര്‍ണത്തിന്റെ പരിശുദ്ധി പരിശോധിക്കുക എന്നത് സാധാരണക്കാര്‍ക്കും ചെയ്യാവുന്ന കാര്യമാണ്. 

ഹാള്‍മാര്‍ക്കിങ്
സ്വര്‍ണത്തിന് ഇന്ത്യാ ഗവണ്‍മെന്റ് ഹാള്‍മാര്‍ക്കിങ് നിയമങ്ങള്‍ നടപ്പിലാക്കിയിട്ടുണ്ട്. ഹാള്‍മാര്‍ക്ക് ചെയ്ത ആഭരണങ്ങള്‍ മാത്രമേ വില്‍ക്കാവൂ എന്ന്  ജ്വല്ലറികള്‍ക്കു മേല്‍ നിര്‍ബന്ധമാക്കിയിട്ടുമുണ്ട്. 18, 22 ,20 കാരറ്റ് സ്വര്‍ണാഭരണങ്ങള്‍ വാങ്ങുമ്പോള്‍ 'ഹാള്‍മാര്‍ക്ക്' ലോഗോ അതിലുണ്ടാകണം എന്നത് നിര്‍ബന്ധമാണ്. 

BIS ലോഗോയും HUIDയും
എല്ലാ ആഭരണത്തിലും, ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് (BIS) ലോഗോ നിര്‍ബന്ധമാണ്.
അതോടൊപ്പം കാരറ്റേജിലെ പരിശുദ്ധി, സൂക്ഷ്മത, 6 അക്ക ആല്‍ഫാന്യൂമെറിക് HUID എന്നീ കാര്യങ്ങള്‍ ഉണ്ടാകേണ്ടതും ഇപ്പോള്‍  നിര്‍ബന്ധമാണ്.  നേരത്തെ 6അക്ക HUID നിര്‍ബന്ധമായിരുന്നില്ല. 

HUID പരിശോധിക്കാം
6 അക്ക ആല്‍ഫാന്യൂമെറിക് ഹാള്‍മാര്‍ക്ക് യുണീക്ക് ഐഡന്റിഫിക്കേഷന്‍ നമ്പര്‍ (B) ഇല്ലാതെ ഹാള്‍മാര്‍ക്ക് ചെയ്ത സ്വര്‍ണ്ണാഭരണങ്ങള്‍ വില്‍ക്കുന്നത് 2023 ഏപ്രില്‍ മുതല്‍ ബ്യൂറോ ഓഫ് ഇന്ത്യ സ്റ്റാന്‍ഡേര്‍ഡ്‌സ് (BIS) നിരോധിച്ചിട്ടുണ്ട്. ഹാള്‍മാര്‍ക്ക് ചെയ്ത ഓരോ ആഭരണത്തിനും സവിശേഷ B നമ്പര്‍ ഉണ്ട്, അത് നമുക്ക് പരിശോധിക്കാന്‍  കഴിയും. 

ഫോണില്‍ BIS കെയര്‍ ആപ്പ് ഡൗണ്‍ലോഡ് ചെയ്യുകയാണ് ആദ്യം ചെയ്യേണ്ടത്. ശേഷം HUID വായിക്കാന്‍ ആഭരണങ്ങള്‍ സൂം ഇന്‍ ചെയ്യുക. പിന്നീട് ആപ്പില്‍ HUID നമ്പര്‍ നല്‍കാം. 

ഹാള്‍മാര്‍ക്ക് ചെയ്ത ആഭരണ വ്യാപാരിയുടെ വിവരങ്ങളും അവരുടെ രജിസ്‌ട്രേഷന്‍ നമ്പറും നിങ്ങള്‍ക്ക് ലഭിക്കും. മാത്രമല്ല ഉല്‍പന്നത്തിന്റെ പരിശുദ്ധി, ഉല്‍പ്പന്നത്തിന്റെ തരം, ഉല്‍പ്പന്നം പരിശോധിച്ച് ഹാള്‍മാര്‍ക്ക് ചെയ്ത ഹാള്‍മാര്‍ക്കിങ് സെന്ററിന്റെ വിശദാംശങ്ങള്‍ എന്നിവയും നിങ്ങള്‍ക്ക് അവിടെ കാണാന്‍ കഴിയും.

ALSO READ: മാറ്റമില്ലാതെ സ്വര്‍ണവില; അടുത്ത നീക്കം കുതിപ്പോ കിതപ്പോ ...

6 അക്ക HUID ഉപയോഗിച്ച് ആഭരണങ്ങളുടെ പരിശുദ്ധി ഉറപ്പ് നല്‍കുന്നത് എളുപ്പമാക്കുന്നു. മാത്രമല്ല, ഭാവിയില്‍ വില്‍ക്കുകയാണെങ്കിലും ഹാള്‍മാര്‍ക്ക് ചെയ്ത സ്വര്‍ണത്തിന് ശരിയായ വിപണി വില ലഭിക്കുകയും ചെയ്യും. 

വഞ്ചിക്കപ്പെട്ടാല്‍ നഷ്ടപരിഹാരം
ഹാള്‍മാര്‍ക്ക് ചെയ്ത ആഭരണങ്ങളില്‍ അടയാളപ്പെടുത്തിയതിനേക്കാള്‍ കുറഞ്ഞ ശുദ്ധതയാണ് കണ്ടെത്തുന്നതെങ്കില്‍ ഉപഭോക്താവിന് നഷ്ടപരിഹാരത്തിന് അര്‍ഹതയുണ്ട്. ആഭരണത്തിന്റെ ഭാരത്തിനും പരിശോധനാ നിരക്കുകള്‍ക്കും അനുസൃതമായി കണക്കാക്കിയ വ്യത്യാസത്തിന്റെ ഇരട്ടി തുക വരെ നഷ്ടപരിഹാരം വാങ്ങാം. 

Wondering if your gold jewellery is truly pure? Discover easy and reliable methods to verify the purity of your gold, including BIS hallmarking and advanced testing techniques.