തിരുവനന്തപുരം: ആര്യനാട്-നെടുമങ്ങാട് റോഡിൽ സ്കൂട്ടറുകൾ തമ്മിൽ കൂട്ടിയിടിച്ച് ടിപ്പർ ലോറിക്കടിയിൽപ്പെട്ട് പാരലൽ കോളജ് അധ്യാപകൻ മരിച്ചു. ഉഴമലയ്ക്കൽ മുതിയംകോണം കിഴക്കേതിൽ ഹൗസിൽ സത്യനേശൻ (62) ആണ് മരിച്ചത്. ഉച്ചയ്ക്ക് ഒന്നരയോടെ ആര്യനാട് റോഡിൽ സ്വകാര്യ ഓഡിറ്റോറിയത്തിന് സമീപമാണ് അപകടം.

പെട്രോൾ പമ്പിൽ നിന്ന് ഇന്ധനം നിറച്ച് പുറത്തേക്ക് വന്ന ഒരു സ്കൂട്ടറും, റോഡിലൂടെ വന്നിരുന്ന സത്യനേശന്റെ സ്കൂട്ടറും തമ്മിൽ കൂട്ടിയിടിക്കുകയായിരുന്നു. കുറ്റിച്ചലിലെ പാരലൽ കോളജിൽ ട്യൂഷൻ കഴിഞ്ഞ് ഉഴമലയ്ക്കലിലെ വീട്ടിലേക്ക് മടങ്ങവേയാണ് അപകടം സംഭവിച്ചത്. കൂട്ടിയിടിയിൽ സ്കൂട്ടറിൽ നിന്ന് തെറിച്ച് വീണ സത്യനേശന്റെ തലയിലൂടെ ടിപ്പർ ലോറി കയറിയിറങ്ങി, സംഭവസ്ഥലത്തുവച്ച് തന്നെ മരണം സംഭവിച്ചു.

ടിപ്പർ ലോറി ഡ്രൈവറെ പൊലീസ് കസ്റ്റഡിയിലെടുത്തു. മൃതദേഹം നെടുമങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി. സത്യനേശന്റെ ഭാര്യ: ഇന്ദിര. മക്കൾ: ഹിമ (ഹയർ സെക്കൻഡറി സ്കൂൾ അധ്യാപിക, മലപ്പുറം), രേഷ്മ. മരുമക്കൾ: കോൺക്ലീൻ ജിമ്മിജോൺ, വിമൽരാജ്.

A 62-year-old retired labor officer and parallel college teacher, Sathyanesan, died in Thiruvananthapuram after a scooter collision caused him to fall under a tipper lorry. The accident occurred near a private auditorium on the Aryanad-Nedumangad road. The lorry driver is in custody, and the body was moved to Nedumangad District Hospital.