തൃശൂര്‍: കൊടുങ്ങല്ലൂര്‍ നഗരസഭയിലെ മികച്ച വനിതാ കര്‍ഷകയ്ക്കുള്ള അവാര്‍ഡ് ഏറ്റുവാങ്ങുവാന്‍ ഇനി ജസ്നയില്ല. എല്ലാവരെയും നൊമ്പരപ്പെടുത്തി ജസ്ന യാത്രയായി. പാമ്പ് കടിയേറ്റതിനെ തുടര്‍ന്ന് ഉണ്ടായ കര്‍ഷകയുടെ അപ്രതീക്ഷിത മരണം നാടിന് തീരാദുഖഃത്തിലാഴ്ത്തി. അണലിയുടെ കടിയേറ്റ് ചികിത്സയിലിരിക്കെയാണ് ബുധനാഴ്ച പുലര്‍ച്ചെ് ജസ്‌ന മരിച്ചത്.

ഒരാഴ്ച മുമ്പാണ് ജസ്‌നയെ നഗരസഭയിലെ മികച്ച വനിതാകര്‍ഷകയായി തെരഞ്ഞെടുത്തത്. കൃഷിയിടം സന്ദര്‍ശിച്ച കൃഷിവകുപ്പുദ്യോഗസ്ഥര്‍ ഈ വര്‍ഷത്തെ ഏറ്റവും നല്ല വനിതാകര്‍ഷകയായി ജസ്‌നയെ തന്നെ പ്രഖ്യാപിക്കുകയായിരുന്നു.

17ന് ടൗണ്‍ ഹാളില്‍ നടക്കുന്ന കര്‍ഷകദിനാചരണച്ചടങ്ങില്‍ അവാര്‍ഡ് നല്‍കാനും നഗരസഭയും കൃഷിഭവനും തീരുമാനിക്കുകയും ചെയ്തു.

കഴിഞ്ഞ ഞായറാഴ്ച വീട്ടുമുറ്റത്ത് വളര്‍ത്തുകോഴികള്‍ക്ക് തീറ്റ നല്‍കുന്നതിനിടയിലാണ് ജസ്‌നയ്ക്ക് പാമ്പുകടിയേറ്റത്. തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

Thrissur’s Kodungallur Municipality is mourning the sudden death of Jasna, who had recently been selected as the best woman farmer. She passed away early Wednesday while under treatment after a snake bite.