ന്യൂഡൽഹി: രാജ്യത്ത് നടക്കുന്ന വോട്ട് കൊള്ള തുറന്നുകാട്ടിയ പ്രതിപക്ഷ നേതാവ് രാഹുൽ ഗാന്ധി വോട്ട് കൊള്ളയ്ക്കെതിരെ ജനത്തെ ഉണർത്തുന്ന പുതിയ വീഡിയോ പുറത്തിറക്കി. സോഷ്യൽ മീഡിയ വഴി പങ്കുവെച്ച വീഡിയോ ഏതാനും മണിക്കൂറിനുള്ളിൽ ലക്ഷക്കണക്കിന് പേരാണ് കണ്ടത്.  ബിജെപിയുടെ വോട്ട് കൊള്ളയ്‌ക്കെതിരായ സന്ദേശം നൽകുന്നതിനാണ് ഷോർട്ട് വീഡിയോ പുറത്തിറക്കിയത്. 

സിനിമകളിലെ സീനുകളെ അനുസ്മരിപ്പിക്കുന്ന രീതിയിലാണ് പ്രചാരണ വീഡിയോ പുറത്തിറക്കിയത്. 'ലാപതാ വോട്ട്' എന്ന പേരിൽ പുതിയ വിഡിയോ 'മോഷണം ഇനി വേണ്ട, ജനം ഉണർന്നു' എന്ന അടിക്കുറിപ്പോടെയാണ് രാഹുൽ ഗാന്ധി പങ്കുവെച്ചത്. വിഡിയോയുടെ അവസാനത്തിൽ പറയുന്ന 'വോട്ട് മോഷണമെന്നത് നിങ്ങളുടെ അവകാശങ്ങളുടെ മോഷമാണ്'. വോട്ട് കൊള്ളക്കെതിരെ നമ്മുടെ ശബ്ദം ഉയർത്തുക. ഒരുമിച്ച് അവകാശങ്ങളെ സംരക്ഷിക്കാം' എന്ന അടിക്കുറിപ്പോടെയാണ്‌ കോൺഗ്രസ് പാർട്ടി ഔദ്യോഗിക പേജിൽ ഈ വീഡിയോ പങ്കുവെച്ചത്.

ഒരു പൊലിസ് സ്റ്റേഷന്റെ പശ്ചാത്തലത്തിലുള്ളതാണ് വീഡിയോ. സ്റ്റേഷനിലേക്ക് മോഷണം പോയി എന്ന പരാതി പറയാൻ ഒരാൾ എത്തുന്നു. ഇയാളോട് എന്താണ് മോഷണം പോയത് എന്ന് കോൺസ്റ്റബിൾ ചോദിക്കുകയും ഒപ്പം വിവിധ വസ്തുക്കളുടെ പേരും പറയുന്നു. മോഷണം പോയത് തന്റെ വോട്ട് ആണെന്ന് അറിയിക്കുന്നതോടെ സമീപത്ത് ഇരിക്കുന്ന ഇൻസ്‌പെക്ടർ ഉൾപ്പടെ രണ്ട് പൊലിസുകാരും ഞെട്ടുന്നു. പരാതിക്കാരൻ, തന്റെ വോട്ട് മാത്രമല്ല ലക്ഷക്കണക്കിന് വോട്ട് പോയിട്ടുണ്ടെന്നും പറയുന്നു. ഇത് കേട്ട് ഞെട്ടുന്ന പൊലിസുകാർ തങ്ങളുടെ വോട്ടും ചോർന്നു കാണുമോയെന്ന് പരസ്പരം ചോദിക്കുന്നതുമാണ് വീഡിയോ. ശേഷം വോട്ട് മോഷണത്തെ കുറിച്ചുള്ള ഒരു സന്ദേശവും ടെക്സ്റ്റായി നൽകുകയും ചെയ്യുന്നതാണ് വീഡിയോ.

ALSO READ: രാഹുല്‍ ഗാന്ധിയുടെ വോട്ടര്‍ അധികാര്‍ യാത്രയ്ക്ക് നാളെ തുടക്കം;  ആര്‍ജെഡി നേതാവ് തേജസ്വി യാദവും രാഹുലിനൊപ്പമുണ്ടാവും

'ലാപതാ ലേഡീസ്' എന്ന ഏറെ പ്രശംസ പിടിച്ചുപറ്റിയ സിനിമയിൽ നിന്നുള്ള ഒരു സീൻ റെഫറൻസ് എടുത്താണ് പൊലിസ് സ്റ്റേഷൻ സ്റ്റോറി ചിത്രീകരിച്ചിട്ടുള്ളത്. ചിത്രത്തിന്റെ പേരിലെ ലേഡീസ് എന്നത് മാറ്റിയാണ് വോട്ട് എന്നാക്കി അടിക്കുറിപ്പ് നൽകിയിരിക്കുന്നത്. 

അതേസമയം, രാഹുൽ ഗാന്ധിയുടെ വോട്ടർ അധികാർ യാത്രയ്ക്ക് നാളെ തുടക്കം. വോട്ടർ പട്ടിക തീവ്ര പരിഷ്‌കരണം, വോട്ടർ പട്ടികയിലെ ക്രമക്കേട് എന്നിവയടക്കമുയർത്തിയാണ് രാഹുലിന്റെ യാത്ര. വോട്ടുമോഷണത്തിനെതിരായ നേരിട്ടുള്ള പോരാട്ടത്തിന് ബിഹാറിന്റെ മണ്ണിൽനിന്ന് തന്നെ തുടക്കം കുറിക്കുകയാണ് രാഹുൽ.

യാത്രയിൽ ആർജെഡി നേതാവ് തേജസ്വി യാദവും രാഹുലിന് ഒപ്പം ഉണ്ടാകും. ഇന്ത്യാ സഖ്യത്തിലെ മറ്റു നേതാക്കളും വിവിധ ഘട്ടങ്ങളിലായി പങ്കെടുക്കും. ബിഹാറിലെ സാസാരാമിൽ നിന്ന് ആരംഭിക്കുന്ന യാത്ര വിവിധ ജില്ലകളിലൂടെയാണ് കടന്നു പോവുക. 30ന് അറയിൽ യാത്ര സമാപിക്കും. സെപ്റ്റംബർ ഒന്നാം തീയതി പട്‌നയിൽ മെഗാ വോട്ടർ അധികാർ റാലിയും സംഘടിപ്പിക്കുന്നുണ്ട്. യുവാക്കളും തൊഴിലാളികളും കർഷകരും അടക്കം രാജ്യത്തെ എല്ലാ പൗരന്മാരോടും യാത്രയുടെ ഭാഗമാകാൻ രാഹുൽ ഗാന്ധി അഭ്യർഥിച്ചു.

Opposition leader Rahul Gandhi has released a new video highlighting vote rigging in the country, aiming to awaken public awareness against it. The short video, shared on social media, has garnered millions of views within hours. The message is directed against the BJP’s alleged electoral malpractice.