റിയാദ്: റിയാദ് പ്രവിശ്യയിലെ ദവാദ്മിയിലെ ഒരു പെട്രോള്‍ സംഭവിച്ച ഭയാനകമായ ഒരപകടത്തിന്റെ വീഡിയോ സമൂഹമാധ്യമങ്ങളില്‍ വന്‍തോതില്‍ പ്രചരിച്ചുകൊണ്ടിരിക്കുകയാണ്. ദവാദ്മിയിലെ ഒരു പെട്രോള്‍ പമ്പില്‍ വെച്ച് മൃഗങ്ങള്‍ക്കുള്ള തീറ്റ നിറച്ച ട്രക്കിന് തീപിടിച്ചപ്പോള്‍ രക്ഷകനായി അവതരിച്ച സഊദി യുവാവ് പെട്രോള്‍ പമ്പും നിരവധി മനുഷ്യ ജീവനുകളും രക്ഷിച്ചത് തന്റെ അസാമാന്യമായ ധീരത കൊണ്ടായിരുന്നു. 

ALSO READ: സഊദിയിലേക്ക് മരുന്നുമായി വിമാനയാത്ര ചെയ്യാനുള്ള നടപടിക്രമങ്ങള്‍ ഇനി ഈസി, ഡിജിറ്റല്‍ പ്രക്രിയ ആരംഭിച്ചു; വീട്ടിലിരുന്ന് ഫോണിലും പെര്‍മിറ്റ് എടുക്കാം 

ട്രക്കിന് തീ പിടിക്കുന്നത് കണ്ട് പരിഭ്രാന്തരായ ആളുകള്‍ക്കിടയില്‍ നിന്ന് മഹര്‍ ഫഹദ് ദല്‍ബാഹി ട്രക്കിലേക്ക് ചാടിക്കയറി. പെട്രോള്‍ പമ്പിന്റെയും ഇന്ധനം നിറച്ച ടാങ്കറുകളുടെയും അടുത്ത് നിന്ന് മഹര്‍ കത്തിക്കൊണ്ടിരുന്ന ട്രക്ക് ഓടിച്ച് പോകുന്നത് വീഡിയോകളില്‍ കാണാം. നിരവധി സോഷ്യല്‍ മീഡിയാ ഉപയോക്താക്കളാണ് മഹറിന്റെ ധൈര്യത്തെ പ്രശംസിച്ച് രംഗത്ത് വന്നത്. അദ്ദേഹത്തിന്റെ വീരകൃത്യത്തിന് രാജ്യം അംഗീകാരം നല്‍കി ആദരിക്കണമെന്ന് ചിലര്‍ ആവശ്യപ്പെട്ടു. 

#فيديو | قاد شاحنة مشتعلة.. شجاعة سعودي تمنع كارثة محققة بمحطة وقود#صحيفة_الخليج pic.twitter.com/tocK4o5Waf

— صحيفة الخليج (@alkhaleej) August 17, 2025

'എന്റെ ഗ്രാമമായ അല്‍ സാലിഹിയയിലേക്ക് പോകുകയായിരുന്നു ഞാന്‍, അടുത്തുള്ള കടയോട് ചേര്‍ന്ന് വണ്ടി നിര്‍ത്തിയപ്പോള്‍, കത്തിക്കൊണ്ടിരിക്കുന്ന ട്രാക്കാണ് ഞാന്‍ കാണുന്നത്' സംഭവം ഓര്‍ത്തെടുത്ത് മഹര്‍ പറഞ്ഞു.

'പെട്രോള്‍ പമ്പും അവിടെ ഉണ്ടായിരുന്ന ആളുകളെയും രക്ഷിക്കുക എന്നത് മാത്രമായിരുന്നു എന്റെ മനസ്സില്‍, ഞാന്‍ ട്രക്കോടിച്ച് ദൂരേക്ക് പോയി' മഹര്‍ പറഞ്ഞു.

ALSO READ: ഭക്ഷ്യസുരക്ഷാ നിയമങ്ങള്‍ ലംഘിച്ചു; റിയാദില്‍ 84 വ്യപാര സ്ഥാപനങ്ങള്‍ അടച്ചുപൂട്ടി 

പെട്രോള്‍ പമ്പും ഇന്ധനം നിറച്ച ലോറികളും അവിടെ ഉണ്ടായിരുന്ന ആളുകളും സുരക്ഷിതമായെങ്കിലും മഹറിന്റെ മുഖത്തും തലയിലും കൈകാലുകളിലും പൊള്ളലേറ്റു. നിലവില്‍ റിയാദിലെ കിംഗ് സഊദ് മെഡിക്കല്‍ സിറ്റിയില്‍ ചികിത്സയിലാണ് മഹര്‍. പരുക്കുകള്‍ ഗുരുതരമാണെങ്കിലും മഹറിന്റെ നില തൃപ്തികരമാണെന്നും അദ്ദേഹം സുഖം പ്രാപിച്ചു വരികയാണെന്നും ഡോക്ടര്‍മാര്‍ അറിയിച്ചു. 

a young man’s heroic act of jumping into a burning truck and driving it away from a petrol pump has gone viral on social media. netizens praised his quick thinking and courage that prevented a major disaster.