ജിദ്ദ: മലീമസമായ ചുറ്റുപാടിൽ സത്യസന്ധതയോടെ വാർത്തകൾ കൈകാര്യം ചെയ്യുന്നതിൽ സുപ്രഭാതം വഹിക്കുന്ന പങ്ക് നിസ്തുലമാണെന്നും സുപ്രഭാതം കാലഘട്ടത്തിന്റെ ആവശ്യമെന്നും ഒ എം എസ് തങ്ങൾ മേലാറ്റൂർ പറഞ്ഞു. സമസ്ത ഇസ്‌ലാമിക് സെന്റർ ജിദ്ദ സെൻട്രൽ കമ്മിറ്റി സംഘടിപ്പിച്ച സുപ്രഭാത ക്യാമ്പയിൻ മുഖ്യ പ്രഭാഷണം നിർവഹിച്ചു സംസാരിക്കുകയായിരുന്നു അദ്ദേഹം.

ജിദ്ദ സെൻട്രൽ കമ്മിറ്റി പ്രസിഡന്റ് സയ്യിദ് സൈനുൽ ആബിദീൻ തങ്ങൾ ബാഅലവി അധ്യക്ഷനായിരുന്നു. നക്ഷണൽ കമ്മിറ്റി പ്രസിഡന്റ് സയ്യിദ് ഉബൈദ് തങ്ങൾ ഉദ്ഘാടനം നിർവഹിച്ചു. അലി മൗലവി നാട്ടുകൽ അനുഗ്രഹ സന്ദേശം നിർവഹിച്ചു. സിയാറ നിർദ്ദേശങ്ങൾ സലീം നിസാമിയും സുപ്രഭാത ഏരിയ നിർദ്ദേശങ്ങൾ സൈനുദ്ധീൻ ഫൈസി പൊന്മളയും നിർവഹിച്ചു.

ജനറൽ സിക്രട്ടറി സൽമാനുൽ ഫാരിസ് ദാരിമി സ്വാഗതം പറഞ്ഞ യോഗത്തിൽ വർക്കിങ് സെക്രട്ടറി സയ്യിദ് ജമലുല്ലൈലി തങ്ങൾ നന്ദിയും പറഞ്ഞു. സഊദിയിൽ അടുത്ത മാസം 15 വരെ കാംപയിൻ നീണ്ടു നിൽക്കും.