മസ്കത്ത്: ഓഗസ്റ്റ് 17 മുതൽ ഓഗസ്റ്റ് 21 വരെ ഒമാന്റെ വിവിധ ഭാഗങ്ങൾ ഒരു ന്യൂനമർദ്ദ പാത്തിയുടെ സ്വാധീനത്തിലായിരിക്കുമെന്ന് സിവിൽ ഏവിയേഷൻ അതോറിറ്റി (CAA) അറിയിച്ചു. ഈ ന്യൂനമർദ്ദം രാജ്യവ്യാപകമായി തുടർച്ചയായ മഴ, ഇടിമിന്നൽ, ശക്തമായ കാറ്റ്, കടൽക്ഷോഭം എന്നിവയ്ക്ക് കാരണമാകുമെന്നാണ് പ്രതീക്ഷിക്കുന്നത്.

കിഴക്കൻ, തെക്കൻ ഒമാനിലെ ചില പ്രവിശ്യകളിൽ ഇടത്തരം മുതൽ കനത്ത മഴ വരെ ലഭിച്ചു, ഇത് ചില പ്രദേശങ്ങളിലെ വാദികൾ വെള്ളത്തിനടിയിലായി.

ALSO READ: ചരിത്ര മൂല്യങ്ങളുയർത്തിപ്പിടിച്ച് ഒരു കാലഘട്ടത്തിന്റെ പ്രതീകമായി ഷാർജയിലെ അൽ ദൈദ് കോട്ട

CAA-യുടെ അറിയിപ്പനുസരിച്ച്, നാഷണൽ മൾട്ടി ഹസാർഡ് എർലി വാണിംഗ് സെന്ററിന്റെ ഏറ്റവും പുതിയ കാലാവസ്ഥാ വിശകലനം സൂചിപ്പിക്കുന്നത്, ഒമാനിലെ മിക്ക ഗവർണറേറ്റുകളിലും മേഘാവൃതമായ അന്തരീക്ഷത്തോടൊപ്പം ഒറ്റപ്പെട്ട മഴയ്ക്കും ഇടിമിന്നലിനും സാധ്യതയുണ്ടെന്നാണ്. അൽ വുസ്ത, ധോഫാർ, സൗത്ത് അൽ ശർഖിയ, നോർത്ത് അൽ ശർഖിയ, അൽ ദാഖിലിയയുടെ ചില ഭാഗങ്ങൾ എന്നിവിടങ്ങളിൽ വ്യത്യസ്ത തീവ്രതയുള്ള ഒറ്റപ്പെട്ട മഴയ്ക്കും ഇടിമിന്നലിനും സാധ്യതയുണ്ട്. 

ചൊവ്വാഴ്ച മുതൽ വ്യാഴാഴ്ച വരെ, അൽ വുസ്ത, ധോഫാർ എന്നിവിടങ്ങളിൽ ഒറ്റപ്പെട്ട മഴയും ഇടിമിന്നലും തുടരും. 25-45 മില്ലിമീറ്റർ മഴ ലഭിക്കാനിടയുള്ളതിനാൽ വാദികൾ കവിഞ്ഞൊഴുകാൻ സാധ്യതയുണ്ട്.

ALSO READ: 2026 ലെ റമദാൻ ആരംഭം ഫെബ്രുവരി 17നെന്ന് ജ്യോതിശാസ്ത്രജ്ഞർ; ഔദ്യോ​ഗിക സ്ഥിരീകരണം മാസം കാണുന്നതിനെ ആശ്രയിച്ച്

അതേസമയം, ആദം-തുംറൈറ്റ് റോഡിലൂടെയുള്ള യാത്രക്കാർ ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ് നൽകിയിട്ടുണ്ട്. ശക്തമായ കാറ്റിനൊപ്പം ഇടിമിന്നലും ഉണ്ടാകുമെന്നതിനാൽ ദൂരക്കാഴ്ച കുറയുമെന്നും ഇത് പൊടിയും മണ്ണും ഉയരാൻ കാരണമാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.

ഒമാനിലെ അധികൃതർ ശക്തമായ മഴയുള്ള സമയങ്ങളിൽ താഴ്ന്ന വാദികൾ ഒഴിവാക്കാനും ഔദ്യോഗിക ചാനലുകളിലൂടെ ഏറ്റവും പുതിയ കാലാവസ്ഥാ പ്രവചനങ്ങൾ പിന്തുടരാനും പൊതുജനങ്ങൾക്ക് നിർദേശം നൽകിയിട്ടുണ്ട്.

A low-pressure system is expected to affect various parts of Oman from August 17 to August 21, bringing continuous rain, thunderstorms, strong winds, and rough sea conditions. The Civil Aviation Authority (CAA) has issued a weather alert, advising residents and travelers to take necessary precautions ¹ ².