പാലക്കാട്: പാലക്കാട് പ്രണയം നിരസിച്ചതിന് പെണ്‍കുട്ടിയുടെ വീട്ടിലേക്ക് പെട്രോൾ ബോംബെറ്. ആക്രമണത്തിൽ ബെഡ്റൂമിന്റെ ജനൽ ചില്ലകൾ തകർന്നു. 17 വയസുള്ള പെൺകുട്ടിയുടെ വീടിന് നേരെയാണ് ആക്രമണം ഉണ്ടായത്. സംഭവത്തിൽ രണ്ട് യുവാക്കളെ പൊലിസ് അറസ്റ്റ് ചെയ്തു.

പാലക്കാട് കുത്തന്നൂരിലാണ് സംഭവം. കുത്തന്നൂർ സ്വദേശികളായ അഖിൽ, സുഹൃത്ത് രാഹുൽ എന്നിവരാണ് പിടിയിലായത്. 17 കാരിയുടെ വീട്ടിലേക്ക് വ്യാഴാഴ്ച പുലർച്ചെ 1.30 നാണ് പെട്രോൾ ബോംബ് എറിഞ്ഞത്. സംഭവത്തിൽ ഇന്നാണ് പ്രതികളെ പൊലിസ് പിടികൂടിയത്.സിസിടിവി ദൃശ്യങ്ങൾ ഉൾപ്പെടെ ശേഖരിച്ച് നടത്തിയ അന്വേഷണത്തിലാണ് പ്രതികളെ പിടിയിലായത്.

പെൺകുട്ടി പ്രണയം നിരസിച്ചതാണ് അഖിലിനെ പ്രകോപിതനാക്കിയത്. പെൺകുട്ടിയ്ക്ക് നേരത്തെ അഖിലുമായി സൗഹൃദം ഉണ്ടായിരുന്നു. എന്നാൽ പിന്നീട് പ്രണയം നിരസിക്കുകയായിരുന്നു. ഇതിൽ പ്രകോപിതനായാണ് യുവാവ് അക്രമം നടത്തിയത്.

രാത്രി ബൈക്കിൽ വീട്ടിലെത്തിയ യുവാക്കൾ ആദ്യം പെൺകുട്ടിയുടെ വീടിന്റെ ജനൽ ചില്ലുകൾ എറിഞ്ഞു പൊട്ടിച്ചു. പിന്നാലെ പെട്രോൾ ബോംബ് ഇവിടെ കത്തിച്ച് വെച്ചു. മഴ ഉണ്ടായിരുന്നതിനാൽ തീ പൂർണമായി കത്തിയില്ല. പിന്നാലെ ഇവർ ബൈക്കിൽ കയറി രക്ഷപ്പെടുകയായിരുന്നു.

യൂട്യൂബ് നോക്കിയാണ് പെട്രോൾ ബോംബ് ഉണ്ടാക്കാൻ പ്രതികൾ പഠിച്ചത് എന്നാണ് വിവരം. പെട്രോൾ ബോംബ് കത്താത്തതിനാൽ വലിയ അപകടമാണ് ഒഴിവായത്. പ്രതികൾ സംഭവസമയത്ത് ലഹരി ഉപയോഗിച്ചിരുന്നതായി കേസ് അന്വേഷിച്ച കുഴൽമന്ദം പൊലിസ് വ്യക്തമാക്കി.

A 17-year-old girl’s house in Palakkad was attacked with a petrol bomb after she allegedly rejected a love proposal. The blast shattered the bedroom window panes. Police have arrested two youths in connection with the incident.