​ന്യൂഡൽഹി: ഡൽഹി മുഖ്യമന്ത്രി രേഖ ഗുപ്തയ്ക്ക് നേരെ ആക്രമണം. ഇന്ന് രാവിലെ സിവിൽ ലൈനിലെ ഔദ്യോ​ഗിക വസതിയിലാണ് വൻ സുരക്ഷാ വീഴ്ചയുണ്ടായിരിക്കുന്നത്. പൊതുജനങ്ങളുടെ പരാതികൾ കേൾക്കുന്നതിനായി എല്ലാ ആഴ്ചയും നടക്കുന്ന 'ജൻ സുൻവായ്' എന്ന യോഗത്തിനിടെയാണ് സംഭവം.

പരാതിക്കാരന്റെ വേഷത്തിൽ എത്തിയ അക്രമി, രേഖകളുമായി മുഖ്യമന്ത്രിയെ സമീപിച്ച ശേഷം പെട്ടെന്ന് ആക്രമിക്കുകയായിരുന്നു. മുഖ്യമന്ത്രിയെ മുഖത്ത് അടിക്കുകയും മുടിയിൽ പിടിച്ചു വലിക്കുകയും ചെയ്തതായി ദൃക്സാക്ഷികൾ പറഞ്ഞു. സുരക്ഷാ ഉദ്യോഗസ്ഥർ അക്രമിയെ ഉടൻ പിടികൂടി. ആക്രമണത്തെ തുടർന്ന് മുഖ്യമന്ത്രിയെ ആശുപത്രിയിൽ പ്രവേശിപ്പിച്ച് ഡോക്ടർമാർ പരിശോധന നടത്തുകയാണ്. മുഖ്യമന്ത്രിയുടെ ആരോഗ്യനില സംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല.

ALSO READ: ഛത്തീസ്ഗഢിൽ ക്രിസ്ത്യൻ ആരാധനാലയത്തിനെതിരെ ആക്രമണം: ദേവാലയവും വീടും പൊളിച്ചുമാറ്റി ബുൾഡോസർ നടപടി

​ഗുജറാത്ത്, രാജ്കോട്ട് സ്വദേശി രാജേഷ് കിംജി എന്നയാളാണ് അക്രമിയെന്ന് സിവിൽ ലൈൻസ് പൊലിസ് പറഞ്ഞു. പ്രതിയെ സ്റ്റേഷനിൽ കസ്റ്റഡിയിലെടുത്ത് ചോദ്യം ചെയ്യുകയാണ്. ഗുരുതരമായ സുരക്ഷാ വീഴ്ചയ്ക്ക് കാരണമെന്തെന്ന് കണ്ടെത്താൻ ഡൽഹി പൊലിസ് അന്വേഷണം ആരംഭിച്ചു. ഡൽഹി പൊലിസ് കമ്മീഷണർ എസ്.ബി.കെ. സിംഗിനാണ് അന്വേഷണം ചുമതല. മുഖ്യമന്ത്രിയുടെ വസതിക്ക് ഉന്നത പോലീസ് ഉദ്യോഗസ്ഥർ എത്തി സുരക്ഷ ശക്തമാക്കിയിട്ടുണ്ട്.

ALSO READ: കേന്ദ്രമന്ത്രിയുടെ ഔദ്യോഗിക വസതിക്ക് സമീപം കത്തിക്കരിഞ്ഞ നിലയിൽ 43 വോട്ടർ ഐഡി കാർഡുകൾ: നശിപ്പിക്കാനുള്ള ശ്രമമായിരുന്നുവെന്ന് സൂചന; ദൂരൂ​ഹത

Delhi Chief Minister Rekha Gupta was attacked during a public meeting at her Civil Lines residence. The assailant, a 40-year-old Rajkot resident, threw a stone and assaulted her. Gupta was hospitalized, and the attacker was arrested by police for questioning. rekha gupta attack.Delhi cm attack. Rekha gupta attacked today.